Page 96 - MIN TTC 7 OCT 2015
P. 96
Tyrese Gibson haciendo hopi promocion pa
Aruba
Wednesday, 07 October 2015 10:03
Comparti
E cantante Tyrese cu alabes ta un artista di pelicula masha popular ta na Aruba pa e festival internacional
di pelicula. El a yega ayera riba un vuelo comercial y ta hospedando na hotel.
Pero a bula di Los Angeles pa Miami den avion priva hunto cu su amigo Vin Diesel, cu kende el a actua
den e pelicula "Fast & the Furious".
Tyrese Gibson riba Facebook tin no menos cu 27.615.715 siguido y eyriba a saca potret cu Vin Diesel
bisando e ta rumbo pa Aruba, despues cu el a yega y a saca potret di un bahada di solo na nos beach y a
haci un invitacion na tur hende pa atende e evento di Aruba International Film Festival cu ta inicia awe.
E tipo di promocionnan asina pa Aruba ta impagabel pasobra e publicacionnan riba red social ta conta cu
un cantidad di "like" y comentarionan.
Te cu awor, e artista ta encanta cu nos isla, pues lo por spera mas di e tipo di comentarionan positivo
promoviendo Aruba!
