Page 53 - MIN SOC dec 29,2015
P. 53
PAGINA 18 DIARIO DIAMARS 29 DECEMBER 2015
Durante La Cabana Beach Resort & Casino
Su Fiesta di Gala di Fin di Aña
Ingmar Franken, Glenda Brokke,
Sandra Gacusan y Stephanie Maduro
a Ricibi Top Reconocementonan
ORANJESTAD (AAN): Na e tan anticipa fiesta di gala di
fin di aña, tumando luga na Renaissance Convention Center,
La Cabana Beach Resort & Casino a devela e nombernan
di e ganadornan di e titulonan maximo anual, cu e anuncio
di e Asociado di Aña, Sandra Gacusan, e prome finalista pa
Asociado di Aña, Stephanie Maduro, Supervisor di Anja,
Glenda Brokke & Gerente di Aña, Ingmar Franken .
E cuater ganadornan a sobresali riba tur otro nominado
altamente cualifica na e resort, y nan a ricibi un aplauso unda
cu tur hende a para riba nan pia, dunando nan reconocemento
publico bon mereci pa nan liderasgo excelente y esfuersonan
incansable.
Aki por mira e ganadornan y nan bunita plakkaatnan,
celebrando nan triunfo professional, cu Gerente General Joe
Najjar y ehecutivonan di e resort.
Un premio adicional pa Ekipo di Aña a conclui e parti
oficial di e anochi cu e Front Office bayendo cu e titulo pa nan
esfuersonan colaborativo impresionante.
E gala na Renaissance Convention Center a ofrece un buffet di
fiesta extensivo como tambe musica bailable cu DJ Metropolis
y D’Licious Band, cual e asociadonan elegantemente bisti a
disfruta y aprecia.
