Page 22 - Minister Arthur Dowers , April 2,2015

Minister Dowers contento cu trabou di Forensys

 Apr 2nd, 2015
 Local

Minister di Husticia tabata presente e siman aki na momento cu e compania Forensys,
expertonan di accidente y incidentenan di trafico, a presenta nan mes oficialmente na pueblo di
Aruba. E motibo ta cu e empresa priva aki ta bay ta trahando den forma estrecho cu Cuerpo
Policial di Aruba, brindando nan tur e datonan necesario cu wordo compila na cualkier sitio di
accidente of incidente.
Minister mr. Arthur Dowers e atardi aki a haci entrega di e certificado cu a wordo entrega na e
personal di Forensys despues cu nan a ricibi e entrenamento necesario for di Cuerpo Policial di
Aruba.
E mandatario den su introduccion a felicita Forensys cu nan apertura, ya cu nan ta conoci como
un compania cu ta cu ta duna un contribucion na regula problemanan cu tin na momento di
accidente den trafico y “Cuerpo Policial ta haya e cooperacion di Forensys di tal importancia cu
nos ta bisa cu nos mester sostene e trabou cu boso ta haci,” e mandatario a bisa.
Minister di Husticia a haya presentacion di e compania aki na Aruba y na Corsou tambe y a
wordo informa di Cuerpo Policial di Corsou, unda cu ta solamente elogio ehemplar tin pa e
forma cu e compania ta haci su trabou y pesey a dicidi di apoya e compania. “Un di e cosnan cu
a capta mi atencion durante combersacion cu gerencia di Forensys ta cu e personal riba caya ta
profesional cu ta wordo prepara y manteni na cierto codigo. Mi ta spera di mira esey
continuamente den practica pasobra e servicio ta para y cay cu integridad di esun cu ta riba caya.
Pa nos di KPA esey ta algo hopi importante,” Minister di Husticia a expresa y a agrega cu esaki
ta pa tur hende tin confiansa cu e trabou cu e personal di Forensys ta haci ta uno bon.

http://masnoticia.com/minister-dowers-contento-cu-trabou-di-forensys/