Page 6 - AM240627

6 LOCAL AWEMainta
DI TODO UN POCO PA
reflexiona
POCO dia pasa, Camara di Comercio a laga sa cu ta miho
habri frontera cu Venezuela. Hecho ta cu e frontera mari-
timo ta habri caba pa algun luna. A mira cambio, NO. Lo
contrario, segun importadornan, ora a kere cu lo por haya
prijs economico pa fruta y berdura for di Venezuela, esey no
t’e caso. P’esey no por compronde e pensamento di CdC, cu
importacion di fruta y berdura lo yuda baha inflacion. Si mira
e prijsnan for di Venezuela, nan kier cobra pa nan produc-
tonan na dollar. Compara esaki cu prijs di importacion for di
Merca, ta prefera di keda importa for di Merca.
PA habri frontera aereo, e Venezolano no tin placa pa
biahe, anto pakico habri dicho frontera? Pa crea mas prob-
lema di importacion di Venezolano, cu ta buscando un miho
porvenir? Mira Corsou, cu si a habri frontera maritimo como
aereo, a mira cambio? NO, toch. Pakico CdC kier crea un
situacion si djis analisa e situacion na Corsou.
KEDANDO riba importacion di fruta y berdura, Minister
Ursell Arends ta muestra atrobe cu campaña politico a
cuminsa caba cu promesanan cu ta: (1) irrealistico; (2) no
ta basa riba evidence based science; (3) ta ignora factornan
cu ta dificulta agricultura y mas importante e ausencia
completo di agencianan specialisa pa monitoreo di calidad
y siguridad alimentario; siguridad pa consumo di alimento;
Diahuebs, 27 Juni 2024
factornan climatico; fitosanitario; regulacion di pesticida,
herbicida; miticida; fungicida y biocida.
MESTER por tin cu redefini financiamento di inversionnan
haci den agricultura cu tipicamente no ta ser sosteni den
nos sistema bancario, cual inversionnan ta halto sin colat-
eral garantisa den forma di cosecha.
Ministernan Geoffrey Wever y Ursell Arends ta papia palabra
bunita, pero ta vocifera “pipe dreams”. Lamentablemente
tin un grupito chikito di agricultor cu hopi recurso na nan
disposicion cu ta sostene e “cuentos de hada, fabeltjes”
aki, pasobra e lo concentra produccion agricola den man di
algun negoshi so, cabando cu agricultor chikito, tradicional
y cu menos recurso disponibel.
SEGUN e rapport pa transicion di energia pa Aruba,
presenta pa TNO ta haci nos ta compronde cu tin un palabra-
cion estilo ‘tuma of paga’ pa un cantidad di LNG pa 50% di e
produccion di coriente y cu e acuerdo tin un duracion di 20
aña’. Segun TNO, esaki ta nifica cu te cu por lo menos 2046
of 2047, tin gasto adicional pa aumenta e accion di elec-
tricidad renobabel riba 50%, pasobra si tuma menos LNG,
mester paga toch. Recientemente un representante di TNO
na Aruba a laga sa cu si Gobierno a sigui cu nan recomen-
dacionnan, awe Aruba ta mucho mas avansa cu su maneho
energetico. Segun TNO, un sistema cu solamente biento y
energia ta pidi un sobre capacidad den direccion di 100%
renobable pasobra 2 pa 3 luna pa aña, tin casi nada di biento
na Aruba. Ademas, segun TNO, hidrogeno ta wordo evalua
pa riba termino largo bira un alternativa flexibel y como
produccion di electricidad como ‘backup’. Pero, segun TNO
su rapport, e plannan pa hidrogeno ainda no a ser desaroya
totalmente, fuera di un MoU firma entre Gobierno di Aruba
y e compania Spaño ACCIONA Energia, pa desaroyo di un
proyecto electrolis acopla na 50-60MW produci pa solo.
HUNTA Comisario di Post Aruba N.V. a dicidi di manda su
Director Guillermo Raymond cu retiro obligatorio, no ta un
sorpresa pa hopi di e empleadonan. E ta un bon persona,
pero mal director. A pesar di su 40 aña di servicio, Guillermo
Raymond no ta tuma conseho di ningun hende y como
tal awe Post Aruba N.V. ta den e situacion cu e ta awe. Ta
manera Contraloria General mes a detecta, un empresa
>>