Page 18 - MIN ECEM

Refineria Venezolano ta tambalea mientras cu PDVSA ta
manda petroleo lihe pa Cuba

Wednesday, 07 June 2017 13:36
Comparti

E refineria Venezolano di Puerto La Cruz cu ta produci 187 mil bari pa dia, ta operando riba un capacidad
di 16 porciento, principalmente debin a e falta di petroleo lihe mientras cu PDVSA ta manda un porcion
di su crudo, Mesa 30 pa Cuba y Corsou, di acuerdo cu reportenan di di comercio interno y trahado.

E compania di petroleo PDVSA na Maart a reanuda exportacion di Mesa 30 pa Cuba despues di un pausa
di ocho luna. El a bende entre 850 mil bari y 1.4 miyon di bari pa luna na e isla Caribense desde e tempo
ey, segun documentonan ta mustra. Mesa 30 - un di e crudonan mas lihe di Venezuela - ta wordo uza pa
PDVA y su partnernan pa dilui e petroleo extra pisa produci pa e Faha di Orinoco pa alimenta varios
refineria domestico. Pero cu su caida di produccion di petroleo, e compania ta luchando pa satisface e red
domestico y su clientenan stranhero, di acuerdo cu fuente y informenan interno y “Desvio di crudo ta un
di e causanan di e situacion di e refineria, pero tambe ta falta di mantenimento,” Jose Bodas, un lider
sindical na Puerto La Cruz a bisa, kende luna pasa a adverti riba e proceso abao di e instalacion. E
trahadonan na Mei no tabata por a restart e catalytic cracker di Puerto la Cruz, debi na falta di piesa di
repuesto, Bodas a agrega. Solamente un di e tres unidadnan di destilacion di crudo di Puerto la Cruz ta
trahando despues cu e refineria a reanuda parcialmente e operacionnan di siman pasa, un trahado di e
instalacion a bisa Reuters. E refineria ta produci mas of menos 29.500 bari di gasolin, diesel y
combustibelnan residual pa dia, otro trahado a bisa.

E red di refinacion di Venezuela tabata funcionando den minimonan historico e trimester aki, causando
escases di gasolin intermitentemente den e pais miembro di OPEP y na Cuba. E unico refineria mas
chikito di PDVSA, El Palito, a incrementa e produccion desde April. Crudo sin paga pa e Refineria Isla na
Corsou Refineria Isla na Corsou, cu ta produci 335 mil pa dia, cu PDVSA ta uza como instalacion auxiliar,
tambe a lucha pa aumenta e produccion ya cu un di su cuater unidadnan di destilacion di crudo a sufri
dañonan grave durante un candela dos siman pasa. “Isla ta poniendo su unidad di thermal cracker den
servicio cu lo wordo uza pa e destilacion di crudo… pa asina e por procesa 40 porciento di crudo cu
destino pa e unidad di destilacion di crudo number 3,” e refineria a bisa den un comunicado dialuna. E
refineria tambe lo procesa crudo pisa den su unidad di destilacion number dos, el a agrega. Isla ta
produci fuel oil pa exportacion, principalmente pa entrega di e companianan Chines como pago di e
prestamo na Venezuela. E candela a contribui na e envio menor di petroleo di PDVSA, cual averahe e aña
aki ta 60 mil bari pa dia, versus 165 mil bari pa dia na 2016, di acuerdo cu e informacion. Dos
cargamento di 500 mil bari di e compania Britanico BP, ta suministra e crudo lihe Mericano, cu ta yega
den terminal di Bullenbaai na Corsou na Mei, pa asina suministra e unidad di crudo daña di Isla. PDSVA
ta wordo considera e desvicio di petroleo pa su refineria Amuay na su costa west, un di e documentonan
interno a bisa.