Page 22 - MIN ECEM

Awe hues ta dicidi: InselAruba

bancarota of no?

June 7, 2017 Local
Share this:

Awe 2or di atardi corte lo trata e caso di compania di aviacion InselAir Aruba pa asina mira si por keda
cumpli cu su pagonan sea esaki no ta bala pena mas. Y asina e compania lo bay bancarota.

Segun e fuente NoticiaCla e abogado nombra como ‘bewindvoerder’ biaha pasa pa hues pa evalua si e
compania ainda por cumpli y opera responsabel, esta Jeannot de Cuba, ya a conseha pa laga e compania bay

bancarota. E abogado lo entrega e rapport aki awe.

E compania na Aruba tin mas cu 90 empleado y InselAruba ainda debe nan placa. Kico lo pasa cu nan y si nan
no haya e placa, no ta cla te awor. InselAir International na Corsou a informa ayera cu e situacion na

InselAruba no tin consecuencia pa nan. E companianan ta spera y den e caso hues awe ta declara e compania
Arubano bancarota, esaki lo no afecta nan na Corsou.

InselAir a crece di un compania local pa uno regional den transcurso di mas cu 11 aña. Pero e situacion a
cambia momento miyones a keda pega na Venezuela. E diferente companianan di Insel a mira nan den un
situacion financiero dificil, sin reserva. Esaki a conduci na retrasonan y problema cu mantencion di e avionnan.

Esaki acumula y e aña aki Departamento di Aviacion na Aruba entre otro a ground henter e flota d Insel na
Aruba. Esaki a causa mas problema financiero pa InselAir Aruba te unda cu nan a haya nan mes den corte.

Hues a duna nan suspension di pago y awe mester dicidi si ainda lo extende esaki sea declara e compania di
aviacion bancarota.