Page 26 - MIN ECEM

ORANJESTAD (AAN): Diamars 6 di Juni tabata dia internacional di medio ambiente y
Minister di Turismo, Transporte, Energia y Medio Ambiente, Ing. Mike de Meza a reuni
cu hobennan afilia na “Hubentud Activo y Consciente” (HAC) di partido di Pueblo
Arubano AVP. A dialoga riba diferente punto di hopi importancia.

E parti di medio ambiente tabatin hopi interes di e hobennan y a trata diferente punto.
Rond mundo completo ta dialoga riba e parti di medio ambiente.

Minister de Meza tabata contento di scucha e hobennan di HAC tin interes riba medio
ambiente. E interes tabata riba diferente topico, unda por a mira e poblacion di mundo
ta crece y e forma con ta haci uzo di e recursonan pa genera energia cu ta necesario pe
bida socioeconomico na mundo y progreso tambe y con nan ta trata cu esey. Tambe e

uzo di recursonan fossiel tin den medio ambiente di cual tur hende rond mundo ta
participa na dje. Kico tur un pais grandi of chikito por haci pa trata e situacion.

Gruponan hoben tin hopi interes den e discusionnan di medio ambiente pasobra dia di

mañan esaki ta nan futuro. E hobennan ta esunnan cu tin cu yuda carga e cambionan
for di haci uzo di energianan no sostenibel pa energia sostenibel.

E hobennan di grupo HAC tabata contento di a haya e lezing for di Minister de Meza

pasobra nan ta sinti cu esaki a habri nan wowo riba topiconan di medio ambiente. E
grupo di HAC ta busca pa haya mas informacion riba diferente topico. Minister de Meza
a duna nan diferente informacion pero tambe a comparti su experiencia di tur loke el a
haci den medio ambiente y pa e hobennan sigui cu e vision di Minister de Meza.