Page 78 - MIN ECEM

Un di e motibonan pa atende cu e asunto aki, ta e hecho cu tin informacion cu ta mustra
cu e asunto ta poco mas complica cu esey. Su tata ta consehero principal di e (awor)
opositor politico Otmar Oduber, esta Simon Arends). Y e informacion ta cu famia a bay
di acuerdo pa (Richard) Arends bira vakminister, y keda solamente te September pa
despues e asumi su trabou na Citgo. Cualkier otro envolvimento mas solido cu e partido
berde, por a crea un problema den famia. Arends (Richard) sinembargo ta desmenti e
informacion ey categorico. “Not at all”, tabata su reaccion riba e asunto ey. “ Semper mi
a evalua tur yamado cu partido a hasi riba mi: na 2007 pa ta presidente di FESCA, pa ta
consehero y hefe di gabinete den ambos gobernacion, na 2013 pa bira minister
plenipotenciario na Den Haag y awor ultimamente pa assume e cargo di minister di
asuntonan economico na 2016. So, in due time I will consider”, Arends a finaliza
bisando. Como tal, cu e rumor kita for di mesa, Arends ta bira otro candidato potencial pa
e partido, y continua como minister den un eventual otro gabinete berde, si e mes dicidi
pa esey tambe. E opcion por lo menos ta hancho habri, segun Arends mes a confirma pa e
portal aki.