Page 13 - KPA
P. 13
Turista a cay di waverunner y hoga na Eagle Beach
Wednesday, 24 February 2016 14:23
Comparti
Diaranzon merdia 2or a drenta informacion di un accidente den lama banda di Eagle Beach. Polis y
ambulance a wordo manda cu urgencia na e sitio.
Na yegada a topa cu un situacion unda net a baha e victima di un boto. A cuminsa reanima e victima
masculino mesora. Dos ambulance a presenta na e sitio. Paramediconan a traha duro pa scapa su bida. E
tabata cu un dama riba waverunner y a cay. E no por a subi waverunner y a bay den panico. Hasta e lo a
kita e vest. Un di e empleadonan di watersport a bay den lama mesora pa yuda. El a logra yuda e dama y
a keda di bay bek pa yuda e homber tambe.
A mira cu e homber a bira basta malo cabez abou den awa. Ora a trece tera a traha cune 30 min largo. E
no a scapa. E tabata un situacion fastioso pa e dama cu tabata cu e homber riba waverunner pero pa e
trahador di watersport tambe cu a ked basta kibra di e situacion. Paz na su restonan. Slachtofferhulp a
wordo avisa pa presenta y atende cu e dama turista.
