Page 6 - KPA
P. 6
Accidente fuerte entre auto y brommer na Bubali
Thursday, 25 February 2016 08:08
Tweet
Comparti
Banda di 11:25 di anochi central di Polis a manda patruya na e crusada di Bubali. Aki a sosode un
accidente entre un brommer y un auto. Na yegada di e prome patruya a bin topa cu e accidente entre un
brommer y auto cu dos hente benta riba caminda. Mesora a manda pidi ambulance pa presenta cu
urgencia na e sitio.
E dos personanan tabata basta herida. Polis a bay chek kiko a pasa y a bin saca afo cu e Toyota Yaris color
blauw A-40702 lo tabata biniendo for di panoord bayendo zuid y sin paga tino cu e brommer tabata
bayendo ariba. El a dal e brommer riba su caminda di preferencia. E dos pasaheroanan riba e brommer
tabata keha di hopi dolor door di e impacto. Personal di ambulance a presenta pa asina duna ambos
victima asistencia medico y despues transportanan pa hospital.
