Page 50 - MIN ARENDS

Casa di parlamentaria Xiomara Ruiz

deteni pa violencia domestico

Posted on 07/24/2017 4:19 pm AST | Updated on 07/24/2017 9:07 pm AST

ORANJESTAD – Parlamentaria pa partido MEP Xiomara Ruiz Maduro a bira victima di
violencia domestico den fin di siman, cu a conduci na detencion di su casa H. Ruiz. Lider
di partido Evelyn Wever a confirma esaki pa NoticiaCla dialuna mainta. For di
informacion acumula, a compronde cu e casa a agredi e parlamentaria durante un disputa,
pa cual e casa a dicidi cu e ta pone punto final, y a haci denuncia. Esey a conduci na
detencion di e casa. A compronde cu no ta prome biaha cu esaki lo a sosode, pero cu e
biaha aki e agresion a surpasa limite. E noticia a haya hopi atencion debi na e posicion di
tanto e parlamentario como su casa, cu ta un trahado publico. Den un declaracion publico
haci, Ruiz Maduro a bisa “"Mi a pasa den un caso lamentabel di violencia domestico y
m'a tuma e decision pa pone un paro na e abuso". Cerca Edmond Croes di TOP FM ela
declara ademas cu elo sa di surpasa e momentonan dificil aki y e ta pidi e comprension di
tur hende, p'e por haya e espacio necesario pa e por deal cu e situacion fastioso aki. Foto
di archivo di e parlamentaria cu su casa den miho tempo