Page 51 - MIN ARENDS
P. 51
Confirma: Richard Arends ta riba lista
di partido berde
Posted on 07/24/2017 9:56 am AST | Updated on 07/24/2017 8:56 pm AST
ORANJESTAD – Minister Richard Arends lo ta riba lista di partido berde AVP e
proximo eleccion aki di 22 di september. Dialuna mainta e actual mandatario di e.o.
Telecomunicacion y Economia a confirma esaki pa NoticiaCla. Ora cu a puntr'e si
ta berdad cu ela dicidi pa subi lista, su contesta tabata ‘si’. Den pasado recien ela
confirma caba na e portal aki cu e tabata interesa pa sigui como minister den un
eventual proximo gabinete Eman. Algo cu lider di e partido y actual prome minister
Mike Eman tambe a confirma pa e portal aki. E lista berde ta wordo entrega
diabierna 4 di augustus 2017 pa 10:30am.
FUTURO POLITICO
Tabata comienso di luna pasa ainda cu e portal aki a confirma cu Arends ta dispuesto pa
keda minister pa e proximo gabinete tambe. E momento ey Arends mes no a dicidi ainda,
y a bisa di ta tene su opcionnan habri. “Na su debido tempo mi lo considera” Arends a
sigura e portal aki e tempo ey. Mes momento ela desmenti un rumor tambe cu tabata
circula, esta cu e tin un trabou sigura na Refineria di Aruba y/of Citgo. E informacion
tabata cu elo a keda minister solamente te september, pa despues e asumi un funcion cu e
