Page 33 - HOH

Enberdad Israel ta desaroyando un vacuna contra coronavirus, pero ainda falta varios
etapa di desaroyo pa su uso, segun Gabriel Weber ta director di Departamento di
Infectologia di Hospital Carmel na Haifa, Israel.

Minister di Ciencia y Tecnologia, Ofir Akunis a bisa cu cientistanan Israeli ta casi cla cu
un vacuna, y si tur cos bay manera nan a planea, e vacuna por ta cla den siguiente
simannan y obtenible den 90 dia..

“Pabien na MIGAL (Galilee Research Institute) cu e tremendo progreso,” Akunis a
anuncia. “Mi tin hopi confianza cu e progreso rapido di nos cientistanan lo permiti pa
nos ataca e menaza global grave, COVID-19”.

Durante ultimo cuatro aña, un equipo di cientificonan di MIGAL a desaroya un vacuna
contra virus di bronquitis infeccioso (IBV), cu ta causa un malesa bronquial den
pahranan. E vacuna a mustra bon resultadonan den testnan realiza den Instituto
Veterinario, Dr. Chen Katz, lider di e estudio a indica.

El a agrega cu pa motibo di similaridad genetico di coronavirus y bronquitis infeccioso,
nan a dicidi di test esaki den coronavirus. Nan mester ahusta algun secuencia, pero dr.
Katz a indica cu nan ta hopi cerca di un vacuna.

Akunis a bisa cu el a duna ordo pa director general di salubridad publico pa ‘fast-track’
proceso di aprobacion cu e meta di logra un vacuna humano mas lihe posible. “Mirando
e urgencia di un vacuna pa coronavirus, nos ta haciendo tur cos posible pa acelera su

desaroyo”.

https://www.diario.aw/2020/03/cientificonan-israeli-den-algun-siman-nos-ta-cla-cu-vacuna-contra-
coronavirus/