Page 3 - BNDIA ARUBA

LOCAL A3
Sindicato TOPA sperando pa reuni cu minister e siman aki riba
situacion di Meteo
ORANJESTAD - Manera Bon Dia Aruba a publica algun dia pasa,
aparentemente atrobe a surgi algun tipo di malcontento entre algun
empleadonan di Departamento di Servicio Meteorologico cu maneho
di e director. Sindicato TOPA ta bisa Bon Dia Aruba cu nan ta spera
di por reuni cu minister Chris Romero (MEP) encarga cu Transporte,
Comunicacion y Sector primario riba algun punto hopi importante
relaciona cu Meteo.
Den luna di december 2017 nos a ricibi un email cu tabata aparentemente
for di algun empleadonan disgusta cu a indica cu nan ta sinti a yega ora pa un
director nobo na Meteo. E email tabata bisa cu empleadonan ta hopi disgusta
cu e maneho, no a paga algun empleado, a menasa pa protesta na Aeropuerto y
asina tin un 'lista largo di problema.' Director Marck Oduber a dirigi Bon Dia
na un comunicado cu a sali oficialmente for di Departamento di Meteo riba
22 di december unda cu nan ta bisa cu henter e asunto aki ta straño pa nan, pa
motibo cu na ningun momento e directiva di Meteo a wordo acerca por medio
di masa di empleadonan cu nan tabata descontento cu algo.
"E tijdelijk tekort aan werknemers tabata relata na cobransa di salud cu ta algo
cu por pasa semper y ta normal. Directiva di Servicio Meteorologico a adapta
e schedule di trabao, pa asina e servicio por a keda wordo duna manera semper
cu mesun calidad," e comunicado ta bisa. E director a indica cu tur papel relata
cu pago ta wordo entrega na tempo na e instancianan concerni, y ta e instanci-
anan ta paga e empleadonan. Pues nan ta haya straño cu a bin keho riba cu no
a paga empleadonan. "Servicio Meteorologico ta un departamento di gobierno
y no un negoshi priva cu un doño na cabes," directiva ta bisa. E departamento
ta subraya cu nan semper a actua segun recomendacionnan di instancianan
concerni.
'Fake News'
Mayoria empleado aparentemente no tabata na altura di e comunicado cu a
wordo manda pa prensa riba e malcontento cu e director, segun e directiva ta
informa. "Pues loke e relato di prensa ta busca di ilustra cu supuestamente e
Diahuebs 11 Januari 2018
ta un relato cu ta carga aprobacion di mayoria di e empleadonan no ta cuadra
cu berdad. Manera tur caminda unda tin trahado semper tin un of dos trahado
cu no ta contento cu nan trabao, pero esey no ta duna nan derecho di papia
namens un departamento of su empleadonan."
E departamento a finalisa na bisa cu ta recomenda medionan di prensa cu a
publica e 'fake news' aki pa otro biaha haci un miho investigacion, den luga
di publica datos sin verifica mas leu ariba e berdad. Mirando cu e email cu
a wordo manda a bini via di meteoaruba@gmail.com, cual no ta di Servicio
Meteorologico. Tur email di Servicio Meteorologico ta caba cu @meteo.aw.
TOPA: 'Persecucion bao miembronan'
Rene Bernabela di Sindicato TOPA ta bisa Bon Dia cu posiblemente e siman
aki lo tin un reunion cu minister Chris Romero pa locual ta toca Departa-
mento di Meteo. Bernabela: "Manera mi a menciona anteriormente, e depar-
tamento aki di basta tempo caba tin discusion riba con e maneho internamente
mester tuma luga. Si manera un persecucion di e director tras di e trahadonan
cu ta trahando eynan mes." Sindicato TOPA a cay den pasado caba den e prob-
lema aki keriendo e tempo aya cu gobierno saliente lo a resolve e problema,
pero: 'e problema a wordo resolvi parcialmente pero nos ta mira e problema
lantando atrobe bao director di Mteo,' sr. Bernabela ta bisa. Kiermen ta p'esey
e sindicato kier reuni cu minister pa nan por clarifica finalmente e problema
cu ta sinta entre e director di Meteo y trahadonan, cu por cierto tambe ta
miembro di e sindicato.
Nos a puntra sr. Bernabela ta kico ta e situacion anto pasobra e director ta
bisa cu no ta e 'masa' di trahadonan ta disgusta y por ta uno of dos. "Pero esey
no ta e punto. E punto, y pregunta cu realmente tur hende kier sa, ta kico ta
e maneho cu sr. Marck Oduber ta hibando na e momento aki pa locual ta
maneho di Meteo. Pasobra tin manera un persecucion bao miembronan di
sindicato, caminda nos kier sa di sr. Oduber kico ta e maneho di locual su per-
sona directamente ta encarga na Meteo na momentonan aki. Pasobra nos no ta
kere cu un di e tareanan di sr. Oduber ta pa persigui y molestia trahadonan na
Meteo," sr. Bernabela ta splica.
Nos por corda cu e minister saliente y awor parlamentario Mike de Meza
(AVP) a duna director instruccion pa kita tur camara cu tabata graba traha-
donan na Meteo. Pero despues cu sr. de Meza a retira como mandatario, e
director riba su mes a laga instala e camaranan atrobe na Meteo. "Awo mi pre-
gunta ta cua ta e motibo cu sr. Oduber ta keda insisti pa instala camara pa pone
esaki riba trahadonan, enbes di concentra riba maneho cu mester wordo hiba
na Meteo. Nos sa cu e departamento tin hala di materialnan bieu, anto nos
kier sa si sr. Marck Oduber tin esaki riba papel. Con e ta bay cuminsa atende
cu aparatonan cu tin mester eynan na Meteo, y nos kier sa tambe den ki direc-
cion e ta pronostica cu e departamento mester funciona pa e futuro cercano,"
sr. Bernabela ta splica.
E sindicato ta sperando pa sinta ainda e siman aki cu minister of mas pronto cu
ta posibel pa amplia riba e asuntonan aki na Meteo. Nos a purba tuma contacto
cu e mandatario pa algun comentario pero no a logra haya esaki, sinembargo
nos lo keda sigui e desaroyo aki di cerca.