Page 6 - AM201027

6 AWEMainta Diamars, 27 October 2020

Te ki dia lo keda tolera Minister Rudy Lampe

Atrobe ta Prome Minister Evelyn Wever Croes mester a interveni

Pero pasenshi tambe ta caba

Atrobe tabata Prome Minister Evelyn Wever Croes mester

a intermedia den e constante conflicto cu Sindicato di Mae-

stronan Aruba (SIMAR) tin cu Minister di Enseñanza, Rudy
Lampe. E situacion ta boiranto tambe hasta intolerable te cu
a surgi e pregunta te ki dia. No tin diferencia entre Marisol

Lopez Tromp y Rudy Lampe, cu excepcion cu den caso di SI-

MAR, tur biaha ta Prome Minister Wever Croes tin di paga
e candela.
Ayera Presidente Josephine Albertus y dos persona a reuni

cu Prome Minister Wever Croes riba e falta di pago di over-

time di docentenan di Colegio San Nicolas. E reunion a dura
mas o menos un ora mientras miembronan bisti na preto ta-
bata warda pafo.

Na salida Albertus a bisa cu e lesnan extra aki ta necesario
p’e studiantenan y a keda demostra cu sin esaki nan ta faya.
E docentenan no por wanta mas y kier nan pago. Husta-

mente pasobra nan ta fada, no kier sinta mas cu Minister di

Enseñansa mas. No ta prome biaha cu esaki ta keda expresa.
Albertus a enfatisa cu SIMAR ta trata aki di oranan cu e
docentenan a traha, no oranan extra. Den enseñansa no ta

haya pago di 150% sino 100% y t’e oranan aki ta esnan cu e

docentenan no a haya nan pago. Ta oranan cu si no cumpli
cu nan, lo perhudica e alumnonan di Colegio San Nicolas. E
oranan aki ta yuda e studiantenan cu e vak cu nan ta swak

den dje.

Awor pa colmo a haya un menasa cu si nan no traha e oranan
ey, nan lo no haya nan pago. Ta sinti cu e ta un sistema di in-
timidacion, mas ainda si mira cu otro scolnan tambe a haya

carta cu si nan acudi na e reunion di SIMAR riba tema aki,

lo no haya pago di e ora ey di trabou. Esaki ta algo cu no ta
necesario, segun Presidente di SIMAR, pasobra no a invita
nan pa e reunion.

Prome Minister a priminti di lo bay combersa y wak pa nan

haya e pago e luna aki.
E tardansa ta algo cu no por, ta un falta di un respet pa edu-
cadornan. E ta algo cu a haya suficiente tempo pa drecha e

situacion. Nan no ta kere cu e ta un fayo administrative, pa-

sobra a haya carta den cual ta bisa cu no ta paga nan esaki.

E carta di 16 di october a bin di Management Team di DPS

(Directie Publieke Scholen). SIMAR a sinta caba cu Minister

di Enseñansa cu 9 punto di agenda, pero no a finalisa cu tur
punto y e reunion a keda di sigui ayera tardi, cu ta inclui e
tema di overtime di Colegio San Nicolas.