Page 12 - ARUBA BANK

AWEMainta Diahuebs, 21 September 2017 13

Faya-bo-Haya

alarga te 24 di

september 2017

MINISTERIO Publico y Cuerpo Policial di Aruba
ta informa cu e maneho di Faya-bo-Haya durante
periodo di eleccion lo sigui te cu diadomingo 24 di
september 2017.
Algun siman pasa Ministerio Publico y Polis a informa
cu e maneho aki lo wordo hiba te cu dia di eleccion
22 di september 2017. Awor e termino aki a wordo
alarga cu dos dia.

Polis a actua cu pasenshi, flexibilidad y tolerancia
durante henter e periodo di eleccion. E meta tabata
y tá pa logra un balanza entre mantene seguridad y
orden publico riba caya n’esun banda, y acompaña y
guia reunion, paradanan y otro actividadnan politico
n’e otro banda.
Logicamente cu violacionnan di ley lo no wordo
tolera.
Polis lo actua contra personanan cu comete infrac-
cionnan (manera violencia, destruccion, insulto y
buracheria den publico) ý Ministerio Publico lo actua
via e maneho Faya-bo-Haya.
Di e manera aki Ministerio Publico ta sostene Cuerpo
Policial Aruba.
E maneho Faya-bo-Haya ta ensera cu Ministerio Pu-
blico ta ofrece, ya caba na Warda di Polis, un transac-
cion na personanan cu a wordo deteni relaciona cu
delitonan relativamente leve of infraccionnan.
Si e persona dicidi pa paga mesora, anto e caso ta
keda cla. Si no, anto e persona lo haya un citacion
pa presenta dilanti Huez.
Ta importante pa tene cuenta cu e exigencia durante
e tratamento dilanti Huez normalmente ta sali mucho
mas halto cu e transaccion cu hende ta wordo ofreci
na Warda di Polis.
P’e motibo aki, Ministerio Publico ta conseha pa
tuma e transaccion cu haya na Warda di Polis y
pague mesora.

Ministerio Publico y Cuerpo Policial Aruba ta di nobo
haci un apelacion urgente na publico pa paga tino cu
alcohol, particularmente den trafico. Uso excesivo di
alcohol ta trece riesgonan hopi grandi cune.