Page 38 - MIN ON

Prome minister di Aruba tur diahuebs ta cana den comunidad. El a splica cu loke ta

demostra na un forma hopi evidente cu locual ta bin cun’e cada biaha na renobacion of

cambio den barionan, ta cosnan cu pueblo mes a pidi, ta e reaccion di pueblo mes.

Hopi biaha ora cu haci apertura di un MFA y despues di algun siman por bay papia cu e

ciudadanonan cu ta haya e servicio aki den un Hulpbestuurskantoor sin ningun calidad, y

bo papia cu e empleadonan of esnan cu ta busca servicio eynan, of e muchanan cu awo

tin un biblioteca of computer pa bay na dje, con nan ta expresa nan mes, con contento nan

ta, bo ta realisa cu gobierno a bin cu algo cu tabata un necesidad cu pueblo a sinti y a pidi

pe. Ora cu ta den un bario cu a renoba esaki, cu un cas ta haya cura, cu a haya mata, auto

a haya caminda di parkeer, tin caminda di cana, y papia cu e ciudadanonan y mira con

contento nan ta, con satisfecho nan ta cu e trabao, bo ta realisa cu locual e Gobierno aki a
haci, ta algo por ta cu hopi Gobierno no a haci, ta cana den e bario, scucha kico e pueblo

ta desea, kico ta e dolornan. Falta di iluminacion, falta di asfalt, falta di un cancha

deportivo, atencion pa trece un ambiente mas miho pa hendenan por cana na Aruba,

manera un Linear Park, parkenan, plazanan, cambionan di scolnan cu tabata den

deterioro. Tur ta locual cu ta tende, si no ta di e maestro di scol, ta di e mayornan, ta di e

famianan den e barionan, tur ta cosnan cu ta tende, ta scucha y a responde cu tur energia

cu tin, cu e poco recursonan cu tin.

Hopi biaha ta puntra con por a haci asina hopi den 8 aña cu hopi menos recurso. Pasobra

a haya Aruba den crisis. Refineria sera y ocho aña di Gobernacion anterior, prome cu

crisis, cu abundancia, no a haci nada di esey. E unico contesta pa esey ta, unda bo

curason ta. Si bo curason ta cu e pueblo, cu e pais, bo ta inverti na unda e pueblo y e pais

ta desea y si bo curason ta na faborece famia cu miyones di florin y b’a sinta mira pueblo

biba den stof, a sinta mira scolnan deteriora, b’a sinta mira barionan deteriora. A sinta

mira, centro di ciudad deterior. A sinta mira hendenan di menos recurso biba cu

miserabel bijstand, pasobra ta ranca miyones for di caha di Gobierno pa paga pa omo,