Page 21 - MIN ON 9 DEC 2015

Pagina 2 Diarazon 9 December 2015

MEP: Baba Herde ta sufri di maleza di MITOMANIA

MITOMANIA = Mentiroso patologico, ata prueba!

Sr. Baba Herde no conoce limite na su barbaridadnan.
Su ultimo invento ta un articulo cu el'a skirbi riba 7 di
December ultimo cu como titulo "MEP ta vota na fabor di
cambionan den e ley cu AVP ta presenta, pero contra di
e ley mes".

Cu Baba Herde tabata drumi durante henter e reunion,
tabata obvio. Ora el'a realiza cu e lista di orador a cera
sin cu el'a corda di skirbi su nomber, el'a rabia y zapatia,
skop stoel y zundra tur hende. Pero cu despues e ta
bay skirbi un articulo completamente basa riba mentira,
ningun hende por a pensa.

Ata prueba aki riba e asina yama STEMMING
riba e ammendement 1 (di AVP), riba cual
bo por mira claramente cu pa MEP tabata
tin 4 parlamentario presente cu a vota
CONTRA.

Nos a dicidi di publica e documento aki pa asina un y tur
por mira pa su mes, y constata pa su mes cu e maleza
di Baba Herde di MITOMANIA ta birando algo hopi serio.

Tristo ta cu ora hendenan no tin argumento mas, nan ta
recuri na mentira!

Ta considera e sospechoso como hopi peligroso

Polis ta buscando e sospechoso “Yellow”

Ta aprecia tip di comunidad riba su paradero

Relaciona cu e caso di
asesinato y tiramento cu a
sosode dialuna madruga dia
7 di december ultimo, Cuerpo
Policial Aruba ta solicita
ayudo di comunidad pa
detencion di e sospechoso
principal den e caso aki. Riba
ordo di Ministerio Publico
ta buscando e homber
Milanchelo Nelson Antonio
Trenidad, alias “Yellow”.

E ta naci na Boneiro dia
7 di Mei 1985 y ta biba
na Cayenastraat #20
na Aruba. Ta acusa e
sospechoso aki di e viola
articulo 2:262 c.q. 2:259 di
e “Wetboek van Strafrecht
van Aruba” y articulo 3 di e
“ Vu u r w a p e n ve r o r d e n i n g ”.
Polis ta pidi comunidad,
cualkier persona cu por
sa algo di su paradero,
pa informa Polis mesora
yamando number # 100 of via
tipline 11141. Ta considera e
homber aki como peligroso
y cu chens grandi cu e ta
arma.