Page 9 - HOH

Diaranson, 22 Mei 2024 AWEMainta COMUNIDAD 33

SVGA E aña escolar aki a habri un klas creativo y expresivo (e
Scol dun’un man proyecto: “Expresa bo mes” a keda financia pa AAA). E

alumnonan di Scol Dun’un man, parti di Stichting Voor

Verstandelijk Gehandicapten -SVGA, ta haya les for di un
maestra. Tur klas ta haya 3 les pa siman den e diferente
materia: interpersonal, arte expresivo y arte visual den e
klas specialmente prepara pa esaki.

E maestra, Tarah Terhorst, ta duna lesnan pa e desaroyo
social y emocional, manera lesnan di regulacion propio y
lesnan di felicidad (con ta logra esaki). Lesnan di arte visual,

caminda e alumnonan ta experimenta cu diferente tecnica y
material y ta stimula expresion liber. Den e lesnan di baile y
movecion ta motiva e alumnonan pa move uzando diferente
material. Mediante e lesnan ta stimula e expresion liber,

emocion, imaginacion y creatividad.

Scol Dun’un man kier duna su alumnonan un programa mas
amplio e siguiente aña escolar 2024-2025. Ta trata di un

programa desaroya e resiliencia y drama.
Tarah Terhorst a bay Hulanda pa bira un trainer di Rots&Water.
AFAS Foundation a financia e training aki pa e alumnonan
por siña con pa defende nan mes.

Pa lesnan di drama Tarah a cuminsa un colaboracion cu
Jeugdtheaterschool Zuid Oost (JTSZO) na Amsterdam. Den
maart 2024, e la bay Hulanda pa haya experiencia cu e

metodo di opentheater na diferente scolnan di enseñansa
special. CEDE Aruba a haci e proyecto aki posibel y a financia
e materialnan necesario pa stimula teatro. E metodo aki ta
trata di teatro sin palabra, e lesnan ta no verbal. E musica y

e atributonan ta guia e proceso. E metanan di e metodo di
teatro aki ta pa crea placer, contacto y conexion. E ta special-
mente desaroya pa mucha y hoben cu necesidadnan special.

Despues di e bishita na Hulanda, lider di proyecto di JTSZO,
Emese van der Steen, a bin Aruba pa guia Tarah Terhorst.
Durante un siman Tarah a haya guia di Emese durante e
lesnan di drama cu su alumnonan di scol.

Emese a duna un workshop pa e interesadonan cu ta traha
cu muchanan of hende special. Asina mas trahadonan di
SVGA, maestronan di scol special y mas muchanan na Aruba

por haya e oportunidad pa experencia e forma di teatro aki.

Tarah y Emese a duna e lesnan di teatro na e alumnonan di
Scol Caiquetio, e studiante di Fundacion Muchila Creativo y

e hubentud/adultonan di Man na Obra (SVGA). Un colabora-
cion hopi exitoso.

Na nomber di Scol Dun’un man, masha danki pa e opor-

tunidad pa crea mas creatividad, placer y desaroyo pa nos
muchanan special.