Page 12 - AHATA

Diabierna, 20 December 2024 AWEMainta LOCAL 15

Ademas di acomodacion luhoso, JOIA Aruba by
Iberostar ta ofrece cuminda di clase mundial cu
tres restaurant di firma, habri pa tanto huespednan

como e comunidad local. E ofertanan culinario ta
inclui un luga di desayuno estilo buffet cu anochi
ta transforma den un restaurant di firma specialisa
den cuminda Italiano, un restaurant di cuminda

Caribense Moderno y un concepto specialisa di grill
di candela habri di Surf y Turf. Cuater bar, incluy-
endo un bar den piscina y un gastropub, ta brinda
opcionnan diverso pa relahacion y entretenimento.

E resort tambe lo conta cu un variedad di facili-
dadnan, incluyendo un centro di convencion di
10,000 pia cuadra capaz di acomoda te cu 400

huesped, un spa di servicio completo, un centro di
fitness, dos piscina cu cama Bali y espacio designa
pa boda y eventonan. P’e aventureronan, e hotel
ta ofrece acceso na camponan di golf cercano,

canchanan di tennis y un variedad di excursionnan
riba e isla, for di snorkel te servicio di bicicleta elec-
trico riba e boulevard.

Mas leu di su facilidadnan, JOIA Aruba by Iberostar
tin un intencion profundo pa ta un parti integral di e
tela di e isla, atrabes di iniciativanan manera e Aula
di Lama. E espacio innovativo y multifuncional aki

lo sirbi como un centro colaborativo pa educacion
ambiental inmersivo, fomentando conscientisacion
y accion entre scolnan y e comunidad mas amplio.

Mientras tanto, e Santuario di Shoco na Tierra del Sol
Golf Course by Iberostar ta destaca e compromiso
continuo di Iberostar na biodiversidad. Estableci
den partnership cu Aruba Birdlife Conservation, e

proyecto aki ta dedica na proteha e Shoco di Aruba
desde su lansamento na 2019.
E santuario a haci un impacto significante door di
sostene 20% di e poblacion di Shoco di e isla, garan-

tisando e preservacion di e simbolo nacional stima
aki. E esfuersonan aki colectivamente ta subraya e
vision di Iberostar pa turismo sostenibel, creando
un impacto positivo duradero riba e herencia natural

y cultural di Aruba.

E apertura di JOIA Aruba by Iberostar ta marca un
hito pa Iberostar Hotels & Resorts mientras e ta

sigui expande su presencia den Caribe manteniendo
su dedicacion na turismo responsabel. E resort lo
celebra su Ceremonia di Gran Apertura na 2025,
mustrando e finalisacion di tur facilidad y introduci-

endo oficialmente JOIA Aruba by Iberostar como un
lider den hospitalidad di luho riba e isla.