Page 38 - TTC JUNE 5
P. 38
AWEMainta Diabierna, 05 Juni 2015 29
Consul di Colombia, Mirza Gnecco Pla
Dispuesto
pa yuda
den renoba
Plaza del
Agradecimiento
CONSUL di Colombia na Aruba, sra.Mirza Gnecco Pla
a tuma iniciativa pa renoba Plaza di Agradecimiento, cu
ta den un estado deteriora. E empresa ZULO Arquitectos,
encabesa pa arquitecta Paula Lopez a haci un diseño nobo,
di loke mester bira e plaza aki.
Manera ta conoci, Plaza di Agradicimiento ta keda dilanti
di Pricemart, banda di caminda principal di Oranjestad pa
San Nicolas.
Tabata na 2005 cu Gobierno di Aruba a duna e comunidad
Colombiano na Aruba, un pida tereno, unda na 2006 Oficina
Consular di Colombia a importa for di Colombia un estatua
di Condor di andes, cu ta aparece riba bandera di Colombia.
E plaza aki actualmente ta masha deteriora, razon pakico
Consulado di Colombia a dicidi di tuma contacto cu
empresa, constructor y jardineronan Colombia y Arubiano
pa hunto pone man na obra pa por realisa e proyecto di
renobacion.
E comunidad Colombiano na Aruba ta como un quinta
parti di e poblacion di Aruba y ki bunita e lo ta pa hunto
renoba e plaza aki, p’e forma parti di diferente actividad pa
nos mes, segun Mirza Gnecco Pla. Pronto lo tende mas di e
intencionnan pa renoba e plaza aki.
NO MAG
corta rabo
mas
SERVICIO Veterinario di Aruba kier a informa tur
veterinario, pero tambe publico en general, cu ley a
cambia, locual ta encera cu no mag di corta rabo di
ningun animal mas. Esaki ya caba tabata prohibi pa
cabay, pero awendia e ta castigabel pa corta rabo di
tur animal!
Un di e rasanan di cacho popular cu ta “custumber”
pa corta nan rabo ta por ehempel ta di Rottweiler of
tambe di un Dobberman Piche, unda nan ta corta pa
straight su oreanan tambe. Tene cuenta cu e cambio
di ley aki, Servicio di Veterinario a avisa.
