Page 31 - HOSPITAAL

E temporada aki tin hopi comemento, kerstdiner etc. como tambe na cas. Yvette Geerman

ta hefe di departamento di inspeccion di alimento y higiena y e ta conta cu departamento

di salud publico kier pone enfasis durante e temporada aki riba food safety. Comemento

ta algo masha gusta durante tur e temponan aki. Como departamento di salud publico, ta

pidi pa pone atencion riba food safety. No neglisha locual cu ta food safety durante e

dianan aki.

Como departamento lo duna algun recomendacion pa pone atencion con pa anda cu

cuminda, di manera asina eynan cu e por bay corectamente y pa evita cu hendenan por

bira malo. Entre otro ta, mirando cu den e dianan aki consumidornan tin e tendencia di

cumpra gran cantidad di cuminda pa fin di aña pa prepara pa por come. Na Aruba ta gusta

come, prepara diferente cuminda pa tur hende bin cerca nos ora momento di bishita, bay

kerstdiner. Pero pa pone extra atencion, ora cu bo ta bay cumpra bo cuminda, wak e

calidad di cuminda, con e calidad di cuminda ta e momento eynan prome cu bo cumpre y
ora bo cumpre, por fabor, si ta algo friu, hib’e directamente na bo cas, warde den

frigidaire. Si ta algo friu, warde den freezer. No core cun’e. Despues bo ta sigui haci bo

diligencianan. Locual cu ta cuminda friu, mantene nan semper friu. Locual ta referiendo

cinco grado bay abao. Cuminda cayente, ta 60 grado bay ariba. Evita pa cumindanan

drenta den e dangerzone cu ta entre 5 y 60 grado, unda cu por tin hopi risico e ora eynan.

Ora cu bo ta na bo cas, pone atencion. Wak pa bo tin extra serbete limpi den bo cas den e

dianan aki, cada momento cada tipo di cuminda cu bo prepara, uza bo serbetenan limpi.

Wak pa bo cushina ta limpi. Si bo top di bo cushina por a bin en conexion cu cuminda

curu. Ora bo caba di cushina, no pone cuminda cushina riba e top, sino por haya un

crosscontamination. Pone atencion riba e puntonan aki.