Page 35 - HOSPITAAL

Entre otro e parti di e carchi di salud, a bin resorta bao di su departamento. Ta un reto

extra. Fuera di e otro tareanan cu tin, lo sigui pone atencion, mirando cu e departamento

ta asina amplio den nan tareanan, entre otro e parti di cuminda, cual ta un di nan. E parti

di atencion di awa tambe tin cu tene na cuenta.

Tin tereno riba begravenisverordening, sacamento di resto. Tin atencion riba e barconan

cu ta bin di exterior cu tin cu wordo controla. Retonan grandi nan tin nan dilanti pa 2018

como departamento. Lo pone hopi atencion riba structura internamente, pero tambe

externamente, trahando mas estrecho cu departamentonan afo. Internacionalmente,

pasobra como departamento di salud publico, nan ta haya cu mester subi di nivel y

subiendo di nivel ta asina aki, trahando contacto cu afo. Di añanan largo tin cambionan

cu a sosode, pero e parti externo tambe e lasonan eynan, ta bay traha ariba dje, mirando

cu food safety, awa, tur esakinan ta keda retonan cu mundialmente e ta algo cu ta

atencion y como departamento di salud publico, nan tambe mester bay den e direccion
eynan.

Pueblo por ta trankil

Segun Geerman, Aruba por ta hopi orguyoso di su awa. Nos tin un bon calidad di awa

locual cu ta na Aruba. E rol di e departamento di salud publico, ta controla e awa a base

di e calidad di bacteria cu tin. E bacteriologisch onderzoek ta sosode regularmente. Ta

traha hopi estrecho cu WEB, pero tin tur luna e tankinan ta wordo controla, sea prome cu

nan sali pa yega na e pueblo y prome cu pueblo bebe e awa, tur area ta wordo controla,

entrenan e area di hotel. Tur e industria cu ta importante manera hospital. E awa cu ta

wordo entrega na e cruceronan, tur eseynan departamento di salud publico tin un rol

eynan y ta controla esaki regularmente.