Page 16 - AM240108

16 DEPORTE AWEMainta
Strea di MLB Wander Franco ta aparece
dilanti corte acusa pa abusa di un menor
en un sorprendente buelta di acontecimento, e hungado
Ddi 22 aña di MLB, Wander Franco, hungado destaca di
Tampa Bay Rays, a aparece dilanti corte di Republica Domin-
icana, custodia pa polis, acusa di abusa di un menor. Fran-
co, un di e talentonan mas briyante di baseball, a asisti n’e
sesion hudicial porta cera, expresando su confiansa den fe,
declarando: “Mi ta laga tur cos den man di Dios.”
E acusacionnan ta involucra Franco den un encuentro sexual
di dos dia cu un adolescente na december di 2022, sigui
pa un periodo di cita consensual cu aprobacion di e mama,
segun su dossier ta detaya. E fiscalnan ta afirma cu Franco
a paga e mama despues, documenta a traves di shete pago
mensual di aproximadamente 1700 dollar y provision di un
auto.
Franco y e mama di e yiu muhe ta enfrenta awo cargo di
“explotacion sexual comercial” di e mucha muhe di 15 aña
y labamento di placa. E cargonan ta revela e afirmacion di e
mucha muhe cu Franco a proporciona su mama un auto “pa
compensa e daño emocional cu el a causa mi mama.”
Dialuna, 8 Januari 2024
E investigacion ta expone fuera di un dinamica preocupante,
caminda cu e mucha a expresa su disgusto p’e echo cu su
mama ta consider’e un fuente di beneficio. Den e residencia
di e muhe, a descubri decenas di miles di dollar cash.
E fiscalnan, cu a considera cu Franco tabata core riesgo
di huy, a pidi p’e aresto domiciliario, pero hues Romaldy
Marcelino a conced’e libertad bao fiansa, fiha den 34 mil
dollar. Franco lo mester presenta tur luna dilanti corte mien-
tras cu e huicio dura. En cambio e mama di e mucha lo keda
bao aresto domiciliario.
E actuacion excepcional di Franco den e temporada anterior
di baseball, marca pa 17 home run, 58 careda impulsa y 124
hit, awo ta den scuridad p’e proceso hudicial aki. MLB a pone
Franco den un “baja” indefini na augustus, ehecutando su
propio investigacion riba e acusacionnan. A pesar di esey,
e liga a aclaria cu e periodo di “baja” no ta un castigo y cu
Franco lo sigui cobra fo’i Tampa Bay Rays. E club, di su parti,
a expresa nan sosten n’e decision di e liga den e momen-
tonan dificil aki.