Page 24 - AM210123
P. 24
24 AWEMainta Diasabra, 23 Januari 2021
Sammy Ignacio hiba na su ultimo lugar
di sosiego, te ainda ningun detencion
DIABIERNA den careda di 2’or di merdia, e res-
tonan mortal di Lisander Leonardo Ignacio, mihor
conoci como Sammy tabata na Ad Patres Funeral
Home caminda famia, amigonan y conocirnan a bin
compaña e famia den su momentonan mas doloroso
y pa despedi di Sammy. Esaki a tuma lugar bao di
vigilancia policial.
Despues el a wordo hiba na su ultimo lugar di sos-
iego, cu ta na Santana na Sabana Basora.
For di trempan por a nota varios patruya di Polis,
Team di Observacion, varios Recherche den e area
di Ad Patres y despues na momento di hiba e defun-
to Santana, tambe por a nota un biaha mas presen-
cia di autoridad. Esaki tabata mas bien pa mantene
orden publico, pa evita cualke situacion cu lo por a
bay for di man. Tur cos a mustra cu e entiero a bay
trankil, por a nota un tristesa grandi riba cara di su
famia y amigonan.
E asesino ainda ta liber, ta canando rond. Mientras
Sammy asina hoben, a wordo ranca di un forma cru-
el for di su yiu, su mama, su ruman, pareha y tur
otro personanan cu a stim’e.
Nos ta convenci cu autoridad ta trahando duro pa
soluciona e asesinato aki y lo por ta cuestion di un
ora pa otro cu detencion lo por cay den e caso aki.
