Page 31 - MIN JUS 17 FEB,2016

22 AWEMainta Diaranson, 17 Februari 2016

Fraccion di MEP:

Recordando e 26 pioneronan cu a aparece
riba e prome lista di MEP na 1971

PARTIDO MEP a ser

funda dia 9 di februari
1971 y despues di algun
siman ya e prome lista a
ser forma pa participa na
e eleccion di Eilandsraad
na mei 1971.

Den e eleccion aki partido
MEP a logra haya 7
asiento, un tercer parti
di e electorado, cual
siguramente tabata un
logro historico pa un
partido cu a caba di ser
funda.
Adhunto nos por mira
e prome lista di MEP na
1971. Lamentablemente
e gran mayoria di e
candidatonan aki no ta
cu nos mas y ta awor den
Reino Celestial.

Sin duda algun cu
tur e 26 candidatonan
aki ta e pioneronan
kendenan cu gran
curashi y determinacion
a subi riba lista di MEP
e tempo ey y a contribui
na converti MEP como
un partido prestigioso cu
durante 45 aña a traha
incansablemente na
libertad y progreso di nos
pais.
Cu gran admiracion y
stimacion partido MEP
lo keda recorda e gran
baluartenan aki.

#1 Online