Page 22 - BAHAN AJAR FLIPBOOK
P. 22
Kegiatan 2
Ayo saiki wacanen teks crita rakyat ing ngisor iki!
Pantaran
Sawijining tlatah ing lereng Gunung Merbabu ing sisih wetan ana dharatan kang hawane
adhem. Lemah-lemah kang subur banget ndadekake tanduran nganti nutupi lereng-lerenge gawe
tambah endahing sesawangan alam.
Ana ing papan iku ana wiku kang kondhang sekti, wicaksana, luhur budi pekertine, saben-
saben paring pitulungan marang wong-wong kang
kesusahan lan paring tuntunan masarakat supaya bisa
rukun lan tentrem. Wiku mau nduweni anak kang arane
Nawangsih.
Suwe-suwe Wiku iku tansaya misuwur ing
saindenging dhaerah, nganti keprungu ing Kraton
Pengging, Sang Prabu Kusumawicitra duweni niyat
kanggo mbuktekake kasunyatane crita. Banjur Sang
Prabu Kusumawicitra nimbali putrane,yaiku Citrasoma.
Sang rama dhawuh supaya Citrasoma menyang lereng wetan gunung Merbabu kanggo nemoni
Sang Wiku, lan yen pancen Wiku ana, Citrasoma kudu sinau karo wiku mau. Sawise nyuwun restu
marang kang rama, Citrasoma banjur tindak dikancani abdine cacah loro. Kanthi niyat bekti
marang sang rama, Citrasoma karo abdine kang cacah loro mau, nglewati lembah lan lereng
kanggo nggoleki Wiku iku.
21 | S M P K E L A S V I I
