Page 4 - KIRTYA BASA 8 teks layang pribadhi

Bausastra:
pawarta : kabar
serat : layang
wilujeng : slamet, bagas waras
nyipeng : nginep
wasana : pungkasan, akhir
kapang : kangen

2. Kanggo mangerteni isine layang pribadi ing dhuwur, wangsulana
pitakon-pitakon ing ngisor iki!
1. Kanggo sapa layang iku ditulis?
2. Sapa sing nulis layang iku?
3. Kapan lan ing ngendi layang iku ditulis?
4. Apa tujuan layang iku ditulis?
5. Kapan prei semester ganep arep diwiwiti?

Tugas 2: Nyemak Struktur Teks Layang Pribadi

Semaken maneh tuladha layang pribadi ing dhuwur. Sawise koksemak,
bakal tinemu struktur perangan layang pribadi. Perangan sajroning layang
pribadi lumrahe diperang dadi 8, yaiku:
a. Papan lan titimangsa : panggonan, tanggal nalika layang ditulis.
b. Adangiyah (adawiyah): nerangake unggah-ungguhe sing kirim layang
marang sing dikirimi.
c. Pambuka : isi kabar keslametan sing kirim lan pangarep-arep sing
dikirimi iya slamet.
d. Surasa basa /isine layang: nerangake apa bae sing perlu dikabarake.
e. Wasana basa/panutup layang : panjaluk utawa panjurung kang
gandheng karo isine layang.
f. Peprenah : nerangake sesambungane wong sing ngirim layang karo sing
dikirimi layang.
g. Tapak asma : Tandha tangan sing nulis layang.
h. Asma terang : jeneng cetha sing kirim layang.

94 KirtyaBasa VIII