Page 9 - KIRTYA BASA 8 teks layang pribadhi

e) Marang anak putu, nganggo unen-unen: pandongaku
f) Tembung liyane saka kang kasebut ing dhuwur: pamuji, karengga
sagung pakurmatan, karengga sagung ing pahargyan, kairing ing
sagunging kaurmatan pudyaarja lan sapanunggalane.
3. Pambuka
Isine: menehi kabar keslametan lan nakokake kabar keslametan marang
sing dikirimi layang.
4. Surasa basa/ isine layang
Isine: nerangake apa wae sing perlu dikabarake.
5. Wasana basa/panutup layang
Isine: panjaluk utawa panjurung kang ana gandheng-cenenge karo isine
layang.
6. Peprenah
Isine: nerangake prenahe wong sing ngirim lan sing dikirimi layang, kayata
mitraku, bapak, ibumu, ingkang putra lan sapanunggalane.
7. Tapak asma
8. Jeneng terang
Isine : jenenge sing nulis layang,kudu ditulis jangkep.

Gladhen:
Sawise njingglengi kaidah panulise layang ing dhuwur coba garapen prentah
ing ngisor iki!
1. Gawea tuladha panulisan papan lan titi mangsa.
2. Gawea tuladha panulisan adangiyah.
3. Gawea tuladha panulisan bebuka layang.
4. Gawea tuladha panulisan surasa basa.
5. Gawea tuladha panulisan wasana basa.

Kegiatan 2: Nulis Teks Layang Pribadi Kanthi Klompok

Ing kegiatan pasinaon iki para siswa bakal sinau klompok. Gawea klompok,

saben klompok anggotane watara 3-5 bocah.

3: Mangun Teks Kanthi Mandhiri
Tugas 1: Nintingi Teks Layang Pribadi
Teks layang pribadi sing ana ing tabel iki durung urut, coba urutna kanthi
menehi nomer supaya dadi layang jangkep kang pener!

KirtyaBasaVIII 99