Page 8 - C:\Users\Admin\Documents\Flip PDF Professional\KIRTYA BASA 8 teks layang pribadhi\

Tuladha :
(1) Ibu nembe mawon tindak dhateng peken.
(2) Mbak Rani sampun dhahar?
(3) Pak Ampri punapa sampun kondur?
(4) Mangga mas, dipununjuk kopinipun!
(5) Kula badhe adus rumiyin.

Basa Krama ing pasrawungan gunane kanggo:
(1) Pacelathon antarane sapepadhane amarga kanggo ngajeni.
(2) Pacelathon antarane wong sing lagi tepung (kenal).
(3) Pacelathon antarane wong enom marang sing luwih tuwa (adhi marang
sadulure).

Gladhen:
Gawea ukara nganggo basa krama kanthi migunakake tembung-tembung ing
ngisor iki!
1. sare
2. kagungan
3. tindak
4. kersa
5. nyamping

Tugas 4 : Kaidah lan Teknik Nulis Layang Pribadi

Nulis layang kudu mangerteni isine perangane layang. Sawise mangerteni
isi saben perangan layang mau tamtu gampang anggone nulis. Apa wae sing
perlu ditulis sajroning layang coba jinglengana katrangan ing ngisor iki.

1. Papan lan titi mangsa
Isine: Jeneng kutha lan tanggal nulise surat. Sarampunge jeneng kutha kudu
diwenehi tandha koma lan tanpa dipungkasi tanda titik.
2. Adangiyah
Isine: nerangake unggah-ungguhe sing kirim layang marang sing dikirimi
a) Marang sedulur tuwa, kanca sapadha-padha nganggo unen-unen: salam
taklimku, ingkang taklim
b) Marang sedulur enom nganggo unen-unen: salam taklim
c) Marang sedulur enom kang perlu diajeni nganggo unen-unen: ingkang
salam
d) Marang wong tuwane dhewe nganggo unen-unen: ingkang sembah
pangabekti

98 KirtyaBasa VIII