Page 247 - BUKU III BAHASA JAWA

LAMPIRAN 1

BAHAN AJAR

1) Teks Geguritan

Lena

dening: Suwasti Ratri Eni Lestari

Jare..
Lemah wutah getih iki, Suwarga..
Theklek, kayu, lan watu
Bisa dadi tetuwuhan
Tirta tumrap amerta
Samirana sumilir ing pinggir
Sesawangen maneka rupa ngegla rumesep ati
Gawe adheming piker, gawe tentreming nala

Jare..
Dewi Sri tansah ngayomi
Sandhang, pangan, papan,
Saben jalma keduman
Ah.. Lingsiring jaman saya edan
Mangsa rendheng lan ketiga mblandhang gedabigan
Lemah bengkah, wit-witan semplah
Bengawan luber mbleber tekan ngemper
Puwuhan ngebaki plataran
Papan gegojegan ora kumanan kalodhangan
Ah.. Sapa sing arep ndandani?
Yen kabeh janma murang tata
Tan duwe rasa tanggap ing sasmita?
Lena!

Geguritan ing ndhuwur minangka conto geguritan kang dadi pemodelan sajrone media

pembelajaran.

2) Teknik Maca Endah Geguritan

Carane maca geguritan kang becik lan endah sakurang - kurange ana 4 sing kudu digatekake
yaiku Wicara, Wirama, Wirasa, lan Wiraga.

a. Wicara/Kualitas Vokal yaiku ala becike aksara swara, pocapan/lafal (a, å, i, o, è, é, ê, ta, tha,
da, dha). Pamacane geguritan, pocapan kudu cetha, ora kena groyok, pelo utawa rangu-rangu,

kejaba kuwi pamacane geguritan kudu bisa ngucapake aksara kanthi bener, upamane

mbedakake aksara (a, å, i, o, è, é, ê, ta, tha, da, dha).
b. Wirama/Tata cara/Etika maca geguritan yaiku lagu/iramane, maca geguritan bisa minangka

pandudut (daya tarik) kanggone sing ngrungokake. Banter alone wiramane becik kalarasake
karo isine geguritan. Lamun maca geguritan kanthi dhasar karangan (tema) perjuangan

12