Page 4 - Bab layang

Gladhen:
Wacanen sepisan maneh tuladha layang pribadi ing dhuwur, sabanjure tabel ing ngisor iki
isinen manut prentahe!

Tugas 3: Nyemak Unsur Basa Teks Layang Pribadi

Sajrone medharake isine layang marang sapa wae mesthi lumantar ukara kang
nggunakake unggah-ungguh basa. Nulis layang marang sapepadhane lan marang
wong kang luwih tuwa kudune nggunakake unggah-ungguh basa kang beda. Kanggo
nulis layang marang wong kang luwih tuwa kaya tuladha layang ing dhuwur
nggunakake basa krama.
Basa krama yaiku jinising basa kang dumadi saka tembung krama kang diseseli
tembung krama inggil. Tembung sing dikramakne inggil biasane amung kanggo wong
sing dikurmati wae. Basa krama iki uga sinebut basa luwes amarga bisa dianggo sapa
bae.
Tuladha :
a) Ibu nembe mawon tindak dhateng peken.
b) Mbak Rani sampun dhahar?
c) Pak Ampri punapa sampun kondur?
d) Mangga mas, dipununjuk kopinipun!
e) Kula badhe adus rumiyin.

Basa Krama ing pasrawungan gunane kanggo:
Pacelathon antarane sapepadhane amarga kanggo ngajeni.
Pacelathon antarane wong sing lagi tepung (kenal).
Pacelathon antarane wong enom marang sing luwih tuwa (adhi marang sadulure).