Page 5 - Bab layang

Tugas 4: kaidah lan teknik nulis layang pribadi

Nulis layang kudu mangerteni isine perangane layang. Sawise mangerteni isi saben
perangan layang mau tamtu gampang anggone nulis. Apa wae sing perlu ditulis
sajroning layang coba jinglengana katrangan ing ngisor iki.

1) Papan lan titi mangsa
Isine: Jeneng kutha lan tanggal nulise surat. Sarampunge jeneng kutha kudu
diwenehi tandha koma lan tanpa dipungkasi tanda titik.
2) Adangiyah
Isine: nerangake unggah-ungguhe sing kirim layang marang sing dikirimi
a) Marang sedulur tuwa, kanca sapadha-padha nganggo unen-unen:
salam taklimku, ingkang taklim
b) Marang sedulur enom nganggo unen-unen:
salam taklim
c) Marang sedulur enom kang perlu diajeni nganggo unen-unen:
ingkang salam
d) Marang wong tuwane dhewe nganggo unen-unen:
ingkang sembah pangabekti
e) Marang anak putu, nganggo unen-unen:
pandongaku
F) Tembung liyane saka kang kasebut ing dhuwur: pamuji, karengga
sagung pakurmatan, karengga sagung ing pahargyan, kairing ing
sagunging kaurmatan pudyaarja lan sapanunggalane.
3) Pambuka
Isine: menehi kabar keslametan lan nakokake kabar keslametan marang
sing dikirimi layang.
4) Surasa basa/ isine layang
Isine: nerangake apa wae sing perlu dikabarake.
5) Wasana basa/panutup layang
Isine: panjaluk utawa panjurung kang ana gandheng-cenenge karo isine layang.
6) Peprenah
Isine: nerangake prenahe wong sing ngirim lan sing dikirimi layang, kayata mitraku,
bapak, ibumu, ingkang putra lan sapanunggalane.
7) Tapak asma
8) Jeneng terang
Isine : jenenge sing nulis layang,kudu ditulis jangkep.