Page 3 - Tantri Basa Jawa Kelas 6 (Bab 2)
P. 3
Pasinaon 1:
Modhel Teks Pinilih
Gambar ing ngisor iki setitekna! Maneka warnane seni lan budaya
Indonesia, wiwit Sabang nganti Merauke. Seni lan budaya mau
mujudake salah siji saka bukti Bhineka Tunggal Ika, bukti kaskaya
kang gedhe banget ajine, lan bukti jatidhiri bangsa Indonesia.
Minangka peranganing generasi mudha Indonesia, kita kudu
bisa nglestarekake lan ngrembakakake seni lan budaya kuwi.
Mligi ing jagading basa, seni, lan budaya Jawa bae, uga
maneka warna. Saben propinsi ing pulo Jawa, saben kutha,
kabupaten, kecamatan, lan saben desa nduweni ciri khas dhewe-
dhewe. Tuladhane padha wayange tetep ana ciri khase antarane
gagrag wayang Jawa Tengahan, Jawa Timuran, lan Yogyakarta.
Rini mung bisa nggumun lan ngungun nalika nyetitekake
gambar ing dhuwur. Ing sajerone batin nduweni pepinginan bisaa
mubeng saindenge Indonesia kanggo nyinaoni basa, seni, lan
budaya dhaerahe. Ing pamulangan iki bakal disinau salah siji saka
seni budaya Jawa, kang manjila ing babagan nilai-nilai budi pakarti
luhur, yaiku tembang macapat.
Nalika isih kelas lima, kowe kabeh wis diwulang ngenani
tembang lan nembang Pucung. Saiki sing kudu disinaoni Rini
Tantri Basa kelas 6 kaca 20
