Page 5 - Tantri Basa Jawa Kelas 6 (Bab 2)

nyawiji : dadi siji
jinagi : jinaga
satuhu : temenan
adiluhung : nduweni kagunan/mutu sing dhuwur
yekti : temenan, saestu

Wangsulana pitakon-pitakon gegayutan karo tembang
Pangkur!
1. Apa irah-irahan kang mathuk kangge tembang Pangkur
kasebut?
2. Gatra “Nut jaman kapungkur tetep nyawiji” kepriye guru
wilangan lan guru lagune?
3. Karaharjane bangsa ginayuh amarga kahanane Indonesia
kepriye?
4. “Karukunan kang jinagi” apa tujuane?
5. Gatra “Seni, sastra lan budaya adiluhung” kepriye guru

wilangan lan guru lagune?
6. Apa contone budaya kang adiluhung?
7. Apa lelandhesane negara Indonesia?
8. Apa tegese “Bhineka Tunggal Ika” ?
9. Apa kang dadi jatidhirine bangsa?
10. Apa kang bisa koktindakake supaya basa, sastra, seni, lan
budaya Jawa tetep lestari?

Katrangan ing ngisor iki wacanen lan setitekna!
Tembang macapat mujudake salah sijine jinis lagu dhaerah

utawa tradhisional Jawa. Jenise tembang macapat kuwi ana 11,
yaiku: Mijil, Kinanthi, Pucung, Sinom, Pangkur, Asmaradana,
Dhandhanggula, Durma, Gambuh, Maskumambang, dan Megatruh.
Saben tembang macapat nduweni watak, sasmita, lan titikan utawa
pathokan dhewe-dhewe.
Ing ngisor iki diandharake titikan, watak, lan sasmitaning
tembang macapat.

Tantri Basa kelas 6 kaca 22