Page 22 - Flipbook Crita Rakyat
P. 22
Nalikane Citrasoma tekan ing lereng kang ditanduri jejanganan kang subur, ana prawan ayu
lagi methiki janganan. Sanalika Citrasoma marani bocah wadon mau banjur takon ngendi omahe.
Krungu pitakonan ngono iku bocah wadon mau ora mangsuli lan mlayu wedi amarga ngira bakal
diganggu dening wong kang ora bener.
Ngerti bocah wadon mau mlayu mesthi wae, Citrasoma gage-gage ngoyak nganti bocah
wadon mau tekan sawijining omah lan langsung mlebu. Citrasoma nututi tekan njero nanging
sadurunge njaluk ijin dhisik lan sawise diijini mlebu padha ngenalake awake dhewe sing jebule
ora liya yaiku Nawangsih, putrane Wiku. Citrasoma banjur ngenalake awake dhewe lan
nerangake maksud lan tujuane tekan ing papan kono. Banjur Citrasoma ditampa dadi murid.
Saben dina bareng-bareng, suwe-suwe Citasoma nandang tresna marang Nawangsih,
semono uga Nawangsih. Amarga padha-
padha tresna, Citrasoma banjur matur
marang sang Wiku. Ananging sang Wiku ora
langsung mangsuli lan luwih dhisik njaluk
pitutur marang Syekh Maulana Malik
Ibrahim Maghribi babagan perkara iki.
Sawise njaluk pitutur, Sang Wiku
mangsuli marang Citrasoma, menawa
lamarane ditampa nanging sadurunge
Sumber: Dening Panulis
Citrasoma kudu gawe sendhang kang bisa
kanggo panguripane wong akeh. sawise oleh katrangan kaya ngono mau, Citrasoma bali menyang
Pengging saperlu nglaporake menyang ramane.
21 | S M P K E L A S V I I
