Page 5 - CANGKRIMAN BAHASA JAWA

Bahasa Jawa Cangkriman
SD kelas 6 Semester 2

Mangerteni Cangkriman
Cangkriman yaiku unen-unen sing kudu dibedhek utawa

dibatang maksude. Mula saka iku, cangkriman uga

diarani bedhekan utawa batangan tegese tetembungan sing

kudu dibatang kekarepane, amarga tetembungan mau nduweni
teges ora sabenere.

Cangkriman iku wujude ana 4, yaiku:

1. cangkriman sing wujude wancahan (cekakan),
2. cangkriman sing wujude pepindhan (irib-iriban),

3. cangkriman sing wujude plesetan, lan

4. cangkriman sing sinawung ing tembang.

Semaken andharan ing ngisor iki!

1. Cangkriman sing wujude wancahan (cekakan)

Cangkriman wancah punika cangkriman ingkang awujud

wewancahaning tembung-tembung. Wancah tegesipun cekak,

wancahan ateges cekakan.
Tuladhane:

a. Wiwa wite, lesmba dhonge, karwa pake, batangane uwi

dawa wite, tales amba godhonge, cikar dawa tipake.
b. Pakbo letus, batangane tipak kebo lelene satus

c. "Pak bomba, pak lawa, pak piyut", yaiku; tapak kebo amba,

tapak ula dawa, tapak sapi ciyut.

Dwi Atmoko SDN MANSAB II