Page 6 - CANGKRIMAN BAHASA JAWA
P. 6
Bahasa Jawa Cangkriman
SD kelas 6 Semester 2
2 Cangkriman sing wujude pepindhan (irib-iriban)
Cangkriman pepindhan punika cangkriman ingkang
kajumbuhaken kaliyan pepiribaning barang. Pindha ateges
kaya, kadi, kadya, lir, pendah. Cangkriman pepindhan uga
diarani irib-irib.
Tuladhane:
a. Sega sakepel dirubung tinggi, batangane salak
b. Gajah nguntal sangkrah, batangane pawonan
3. Cangkriman sing wujude plesetan/ blenderan
Cangkriman blenderan punika cangkriman ingkang mengku
suraos srekalan, plesedan. Blender ateges plesed, glundhung.
Tuladhane:
a. Wong wudunen iku sugih pari. Pari apa? Paringisan.
b. Ana gajah numpak becak, ketok apane? Ketok mbujuke.
4. Cangkriman sing sinawung ing tembang
Cangkriman puniko sejatosipun awujud cangkriman pepindhan,
nanging kagarap sarana tembang.
Tuladhane:
Bapak pucung renteng-renteng kaya kalung, Dawa kaya ula,
Pencokanmu wesi miring, Yen lumaku si pucung ngumbar
swara. Badhekane: sepur
Dwi Atmoko SDN MANSAB II
