Page 170 - Landbou Binding Polisbewoording

Misdaadvoordeel
In die geval waar die Versekerde Persoon se Dood of Permanente Ongeskiktheid ʼn regstreekse gevolg is van misdaad, sal die Maatskappy ʼn bykomende 10% (tien persent) van die Versekerde Persoon se Dood- of Permanente Ongeskiktheids- voordeel tot op ʼn maksimum bedrag van R100 000 (een honderd duisend rand) betaal.
Noodvervoerkoste
Die Maatskappy sal betaal vir redelike en nodige noodvervoerkoste na die naaste toereikende mediese fasiliteit, wat deur die Versekerde aangegaan is as ʼn regstreekse gevolg van ʼn Toevallige Liggaamlike Besering van ʼn Versekerde Persoon, indien ʼn gekwalifiseerde mediese dokter sertifiseer dat:
1. plaaslike mediese fasiliteite onvoldoende is vir die behandeling van die beserings;
2. die herstel van die beseerde persoon aansienlik bespoedig sal word deur die noodvervoer na die naaste toereikende mediese fasiliteit.
Waar geen gekwalifiseerde mediese dokter beskikbaar is nie, mag die hoogste gekwalifiseerde en mees ervare mediese praktisyn die noodsaaklikheid van noodvervoer sertifiseer.
Die maksimum bedrag betaalbaar deur die Maatskappy sal R200 000 (twee honderd duisend rand) beloop vir enige een Versekerde Persoon en R1 000 000 (een miljoen rand) vir enige enkele gebeurtenis.
Ontvallingsvoordeel
In die geval van ʼn ongeluk wat aanleiding gee tot ʼn Doodseis sal die Maatskappy aan sodanige persoon se boedel ʼn bydrae van R10 000 (tien duisend rand) tot ontvallingskoste maak.
Paraplegie
Wanneer die Maatskappy ʼn eis vir Permanente Algehele Ongeskiktheid erken het, en as ʼn direkte oorsaak van die Toevallige Liggaamlike Besering daar gevolglike algehele verlamming van die onderste helfte van die liggaam, insluitende beide bene, van die Versekerde Persoon is, sal die Maatskappy, bykomend tot enige bedrag betaalbaar vir Permanente Algehele Ongeskiktheid, ʼn verdere 10% (tien persent) van die voordeel betaal vir Permanente Algehele Ongeskiktheid onderhewig aan ʼn minimum bedrag van R50 000 (vyftig duisend rand) tot ʼn maksimum bedrag van R500 000 (vyf honderd duisend rand).
Rehabilitasiekoste
In die geval waar die Versekerde aantoon, tot die redelike bevrediging van die Maatskappy, dat ʼn Versekerde Persoon ly aan Permanente Ongeskiktheid wat sodanig is dat hy/sy nie kan voortgaan om die beroep te beoefen waar hy/sy ten tye van die ongeluk werksaam was nie, maar heropgelei kan word deur die Versekerde, of deur enige geregistreerde opleidingsentrum, sal die Maatskappy 80% (tagtig persent) bydra tot sodanige heropleidingskoste tot ʼn maksimum aanspreeklikheid van R150 000 (een honderd en vyftig duisend rand) per Versekerde Persoon.
Repatriasiekoste
In die geval waar daar ʼn geldige eis is vir ernstige Toevallige Liggaamlike Besering, sal die Maatskappy die redelike en noodsaaklike uitgawes aangegaan betaal vir die repatriasie van die Versekerde Persoon na waar hy/sy normaalweg woonagtig is;
MET DIEN VERSTANDE DAT:
1. die aanspreeklikheid van die Maatskappy ten opsigte van enige enkele eis nie die bedrag van R200 000 (twee honderd duisend rand) vir enige enkele Versekerde Persoon sal oorskry nie;
2. voorafgaande toestemming van die Maatskappy verkry word om die Versekerde Persoon te repatrieer en sodanige toestemming nie sonder rede weerhou sal word nie.
Soek en redding
Die Maatskappy sal die redelike en noodsaaklike koste en uitgawes betaal wat aangegaan is vir die soek en redding, insluitend die bevryding en om die Versekerde Persoon na ʼn plek van veiligheid te bring, ten gevolge van, of om te verhoed dat Toevallige Liggaamlike Besering opgedoen word deur ʼn Versekerde Persoon;
MET DIEN VERSTANDE DAT:
1. die Maatskappy nie aanspreeklik sal wees indien ʼn Versekerde Persoon gevind word in omstandighede wat onwaarskynlik Toevallige Liggaamlike Beserings tot gevolg kan hê nie;
Groep persoonlike ongevalle
Bladsy | 168 Landbou Bewoording – Binding – Weergawe 1 2022