Page 23 - NEWSPAPER MEDIA MONITORING AUGUST 3RD

A20 DEPORTE
Diabierna 3 augustus 2018

William Lacle ta conta riba peliger y siguridad durante

trip riba bais cu su ruman

ORANJESTAD – Den un entrevista cu 297Sports,
ciclista y aventurero William Lacle ta conta un poco
riba e aspecto di peliger y siguridad unda cu bo bay.
E ta comenta cu ‘peliger semper ta keda existi sin im-
porta unda bo bay. E paisnan cu mi a sinti mi mas
sigur ta paisnan manera Iran, Uzbekistan, Tajikistan’.

Segun 297Sports, pa esunnan cu ta sigui noticia mundial di
cerca algun dia atras na Tajikistan den un atake cu despues
a resulta uno terorista, un auto cu 5 terorista aden a dal
4 ciclista aventurero mata, dos Mericano, dos Hulandes y
un Suizo. Un persona femenino di Hulanda a scapa mila-
grosamente di e atentado. Parece e grupo terorista islamico
ISIS a responsabilisa nan mes pa cu esaki.
Mesora 297Sports a busca contacto cu William Lacle cu
ta un di e rumannan Lacle cu algun luna atras a haci un
recorido di un aña unda nan tambe a pasa den e pais den
medio oriente di Tajikistan. Den un combersacion telefo-
nico e la bisa cu net 50 siman atras nan tabata na Tajikistan.
Nan a keda un luna eynan. E tabata un di e paisnan cu mas
sigur cu e la sinti su mes hunto cu Iran y Uzbekistan. Se-
gun William den e temporada aki hopi ciclista di exterior ta
core eynan, e pais Tajikistan ta conoci pa su bishitantenan
turistico riba bicicleta, algun bario/pueblito ta biba di e
temporada aki unda nan ta bende sourvenir, ect. “Jammer
cu esaki a pasa y sigur pa e personanan cu ta depende di e
entrada pero peliger ta core tur caminda, awo hopi ciclista
lo bay cambia nan ruta.”

William y Jaillen mes no a pasa e ruta di e sucedido, nan a
core un ruta un tiki mas ariba den sero. Aki dos aña William
tin pensa di inicia cu un recorido di dos aña riba bicicleta
ora e sali for di e punto mas abou di Sur America rumbo
Alaska, segun 297Sports ta splica.

Potretnan ta di articulo original di 297Sports.