Page 39 - NEWSPAPER MEDIA MONITORING AUGUST 2ND, 2018

Diarhuebs, 2 Augustus 2018 AWEMainta 27

Lotto ta felicita delegacion di Organisacion Caballista Arubano cu

E premionan logra den e mundial di equitacion na Ocala, Florida(US)

RESULTADO final pa Aruba: Dos titulo

mundial y Oro, un Plata y dos Brons. Reci-
entemente e Federacion di OCA a biaha cu un

seleccion di jinete y amazona p’e mundial di

equitacion cu e aña aki a tuma lugar na Ocala,
Florida Merca.

Ya pa varios aña Aruba ta conoci pa ta un di
e mihornan den e deporte aki, mientras nos

atletanan ta logra cay den premiacion na vari-
os ocasion. Mester bisa cu e seleccion aki a

entrena varios luna bou guia di un coach in-

ternacional Jorge Romero y a prepara nan mes
den e mihor forma posibel pa e mundial aki.

Pa loke t’e competencia mes nos tin cu bisa cu

e amazonanan Melanie Wever y Alina Man-

sur a logra gana e premio maximo y pone e
mundial riba nan nomber.

Notable ta pa Melanie esaki tabata di 8 titulo

mundial y su di 4 sigui, mientras Alina tambe
a logra e titulo mundial na dos ocasion.

E amazona Zoey Arendsz a gana e medaya di
Plata den su di dos aparicion den un mundial,

mientras e amazona Genesis Pietersz a gana e
medaya di Brons mescos tambe e jinete Jordy

Wever cu tambe ta logra medaya di Brons.

Pa Genesis esaki tabata su di dos participa-
cion, mientras Jordy Wever ta logra subi pódi-

um den su prome competencia grandi.

Lotto pa medio di Stichting Sportsubsidie

Aruba ta masha contento y sigur orguyoso
di por a aporta grandemente n’e seleccion di

equitacion di Aruba p’e campeonato mundial

na Ocala, Florida.
Nos amazona y jinitenan a representa nos isla

dignamente y a demostra cu nos ta un di e

mihornan den e deporte aki logrando dos ti-
tulo mundial y varios otro premio mas.

Un palabra di pabien n’e federacion, atleta y
coachnan y sin lubida mayornan.