Page 4 - Saptuam Limlang 2nd Edition Beth EBCC

P U L A K N A

Pathian in Saptuam a dinkhiak chiangin Ama na sem dingin a semtu ding leh a vanzat
dinguh pia a enkol in ompih ngal hi. A hun bangzel in a semtu ding ami te tungtawn mah in
sepkhia zel hi. A hun bangzel mah in vanzat leh gou tuam tuam in vualzawl zel hi. Bethlehem
Baptist Church, Evangelical Baptist Convention, New Lamka(G) leng Pathian in October 2, 2004 ni
a Adinkhiak kum 16 mel mu ding hita hi. Hiai hunsunga Ama na sem te leh a vualzawlna te kepbit
tuak tampi om te lakah a poimoh deuh teng chiamteh a etkik theihna ding laibuta SAPTUAM
LIMLANG chi a minvuah in bawlkhiak ahi.

Hiai laibuta masa kum 2014 in kibawl a, huainunga puahphat leh behlap tuak bangzah
hiam om hi a theih ahihmanin Upa Committee in Kum 2020 Year Plan B. Sl.No. 2 ah sepsuah dingin
guang hi. Huan, TBSUC Sitting No.318(10)/2020 dated 30/04/2020 Resl.No. 4 na in sepsuah dingin
thupukna la a, tua na hon semsuah dingin Local Pastor, Local Secretary, Finannce Secretary(G) leh
Clerk-cum-Accountant te seh khia hi. Amau te’n phatuamngai takin pan honla tou ngal in TBSUC Sit-
ting No. 321(13)/2020 dated 14-06-2020 ah hon polut ua, Upa Committee in veelkhawmna neih ahih-
nungin bawldik tuak omte bawldik in Resl.No. 6 na pansan in pomna nei hi. Sub-Committee te mah
in bawldik tuak omte bawldik in a sutkhiak na tana hon semzui lai dingin Committee in mohpuakna
pezom hi. Hiai mohpuakna hamphatna a la in a sutkhiak tana hon semsuah a Saptuam mite muh
leh simtheih ding tana hon bawlkhiak ziakun amaute tungah Saptuam minin kipahthu I gen hi.
Hiai laibuta sungah Saptuam dinkhiakdan, department chih a mohpuakna lenkha ngei te
bang, thupina gama honna paisan sa te bang leh Saptuam dinkhiak nunga lam chituam tuama I
dinmun te leh poimoh tuam tuam te bawldik leh puahphat in om hi. Pilvang theitawp a bawl hima-
hleh, mihing bukimlou ihihna a hihkhelh khak omkha lai thei tham ahihmanin, simtute’n tuabang
a hihkhelh khak a omleh kisuanglah hetlou a TBSUC a tut dingin iki ngen hi. Kum hongpai touzel
dingte a leng puahphat tuak sakna om hun chianga puahphat zel dinga ngim ahi.

Hiai SAPTUAM LIMLANG(Revised & Updated-2020) Pathian min thupina ding leh a Saptu-
am mite leh a simkha peuhmah in a phattuampih theih chiat na ding in ka pulak a, thupina teng
teng Saptuam neitu i biak Pathian in tang ta hen.

Dated : New Lamka (G) (UPA B. KHAMSUANSIAM)
The 28th June, 2020 Local Secretary