Page 5 - Saptuam Limlang 2nd Edition Beth EBCC

BETHLEHEM BAPTIST CHURCH, EBC DINKHIAK DAN TOMKIM

Saptuam’ hihna : Bethlehem Baptist Church, EBC, New Lamka(G), ahihleh EBC Kumsim Khaw-
mpi Lian 57 na in Local Saptuam dinga a pom ahi. October 2,2004 ni in Rev. E. Paukhanlian, D.S. Lam-
ka Division in Pathian min in honkhiakna nei a, Rev. Dr. B. Luaichinthang, General Secretary, EBC in
Pathian kiangah lankhia hi.
Saptuam dinkhiak dan tomkim : Gouchinkhup vengsung a om EBC Saptuam
member bangzah hiam te panlakna toh vengsunga Saptuam dinkhiak ding vision a nei in, EBCC
Hebron a Upa Committee kiangah a duhthusam uh ana tun zel uhi. Kum 2003 in EBCC, Hebron in
leng poimoh ngaih in Plot Committee khat ana phuan khia hi. Hiai vengsunga Biakin mun ding
zongin tua Plot Committee te leh vengsung heutu bangzah hiam te’n thumna tampi toh panga pan
nakpi taka honlak nungun Biakin masa pen kingakna mun V. Thangzasiam, Bungmual a om’ gam
0.17 Acre a lian February 21, 2004 in Upa K. Khupzathang Vice Chairman, Plot Committee makaih-
na in Upa Ngulkhanjam, Mr.T. Pumkhanthang, Mr. B. Khamsuansiam leh Mr. G. Kamlianmang te’n
Rs.3,70,000/- in va leikhia uhi.

Biakin mun ding leikhiak ahih toh kitonin Adhoc-Committee kiphuan in maban pan lak dingdan
hon geel pan uhi. March 14, 2004 in a vengsunga om Saptuam mipi te paikhawm in plot mun
ah kipahthu genkhawmna kinei hi. April 19, 2004 zing dak 7:00 in Rev. L. Kham Kho Lun, Direc-
tor of Ministries, EBC in Suangphum phumna nei in mipi kipaikhawm nawn hi. May kha akipan
in Biakin masa ding lam kipan ngal hi. Adhoc-Committee te makaihna in vengsunga om EBC
member teng pangkhawm in sum-le-pai, tha-le-zung leh hun neih danchiat a pangin Biakin ki
lam tou hi. Hiai Biakin lamsungin Saptuam dang leh mimal tampi te’ deihsakna kitang in kha
nga(5) sungin luah theih dingin kizoukhia hi. Hiai Biakin masa lam lai a work supervisor a kizang
(L) S. Khaithuam kipiakzohna chiamteh tham ching hi. Amah nasep kipat ni apan a zohni tanin
nitengin kuanzou gige hi.

Biakin lamzoh ahih nungin October 2, 2004 in Pathian min a honkhiak leh latkhiak in hong om
thei hi. Hiai hun akipan tuni tan in Pathian ompihna ziakin Saptuam gam ding 4(li) vei lianlou
lou a aki leikhiak nungin tulel a Saptuam gam 0.345 Acre ( 15028.20 Sqft. ) phata hi. October 2,
2020 chiangin Saptuam kum 16 hita ding hi. Hiai hunsungin Toupa vualzawlna tampitak kimu
a, Naupang Sunday School building, Biakin nihna banah Pastor leh Chowkidar quarters ding
bang kinei zou ta a, Biakin thumna leng lam zoh phial in omta hi.

-1-