Page 14 - 《山腳·生態─泰山自然生態資源》

012

周：「飼鴨仔是欲賣鴨子還是鴨蛋？」
海伯：「賣鴨蛋啦！我攏嘛揀南部「抾冬」起來北部拄好欲生的鴨母仔，免啥物本，

一隻差不多 50 箍，上濟的時陣飼三萬幾隻，彼當陣蛋一斤 20 幾箍，一碗

切仔麵 2 箍，真好價！」

周：「海伯，你講「抾冬」是啥物意思？」

海伯：「稻仔一冬二收，一期叫早冬，二期叫慢冬，一般早冬的時間，下港北部差

不多攏是在年初，慢冬的時間就較毋仝款，下港普通較早收，那上北就那

慢收。」

「以前下港飼鴨仔的人，攏嘛利用每一个所在慢冬時間緊慢的毋仝款，趕鴨

仔起來北部賣。慢冬收了後，田攏嘛落很多細仔，鴨子攏嘛吃這，一个所在
吃過一个所在，位下港趕到台北就會使賣啊！這叫做「抾冬」，免啥物本，

我攏去揀彼款拄欲生的鴨母仔，誠緊就會使生蛋賣蛋啊，草埤的水誠清氣閣

闊，我那飼就那濟，誠好賺！」

周：「哇！「抾冬」！以前的人那會這呢巧！」

 陳桑（謀成）講「慢冬」、「涸碑」

周：「陳桑，聽人講草埤以早庄內的人逐冬攏會涸埤清埤？」


陳桑：「毋啦，毋逐冬，田需要用水，無法度逐冬，普通是慢冬 了後到翻年一期的
中間，差不多咱人十月田免用水的時陣，厝邊頭尾鬥陣佮水洩掉，大人囝

仔攏會使落埤去抓魚仔，彼當陣啥物魚嘛有，做穡人逐个的生活攏不是誠

好過，這嘛算一種厝內的加菜，那親像過年誠趣味！」

 「慢冬」（閩南話）是多數農友對二期農作的簡稱，每年年初的一期稻作，則稱為「早冬」。二期的
稻作（慢冬），栽種的時間，往往中（彰化、台中）南部（雲林、嘉義、台南）就會有明顯差異。