Page 15 - 《山腳·生態─泰山自然生態資源》

013

 養活一家子又賺錢的「鴨母魚」

周：「徐小姐，你講細漢的時陣，爸爸送鴨母魚去給海伯都會載你鬥陣去，啥物

是鴨母魚啊？」

徐：「鴨母魚就是一般的雜魚，給鴨母仔食的。」「鴨母海阿伯（海伯）比阮爸年
紀較大，身材佮阮爸平高，攏誠緣投，嘛誠海派！」「鴨母寮的鴨母魚攏是

阮爸用 ootobai 後壁插架仔載去的，我攏坐踮油桶頂頭鬥陣去蹉跎。」「以
前阮爸仔在市場內（現在泰山農會）有 2 个魚仔位，伊每工三、四點就要

去批魚，彼當陣批貨，要有魚牌才會使入場，伊佮一般的攤仔仝款，市仔

是現場賣給人客，人若訂貨，伊嘛會送貨出去，阮爸因為送海伯的鴨母魚，

賺誠濟錢。」

周：「聽講海伯上濟有飼三萬隻的鴨母，以海伯的規模，鴨母魚一擺要載偌濟才
有夠？」

徐：「以前攏用柴頭做的魚箱，送多少我不了解，但是阮阿公干焦回收阮爸的魚

箱，就袂䆀賺了，但是有一點兒辛苦！」

周：「回收魚箱，袂䆀賺？」

徐：「對啊！柴頭做的鱼箱回收了後會使閣賣給大盤，因為以前無塑膠箱仔，阮

阿公的錢攏是按尼賺來的！」

周：「再請教一下，爸爸彼陣的魚攤仔是在現此時的農會還是對面的停車場？」

徐：「農會。對面的停車場佮邊仔賣鞋的是以前農會的辦公室佮倉庫，閣較後壁

就是圳溝啊。」
周：「誠多謝！誠多謝！想袂到一个海伯的鴨母寮有遮尼濟故事通聽。」