Page 26 - Kelas XII.indb

Pidabdab 3 Nyawis Pitakén
Pidabdab 3 Nyawis Pitakén
Yéning sampun nguratiang imba sasurtan papan nama punika ngiring cawis pitakéné puiki !

1. Napi kawigunan papan nama punika ?
...........................................................................................................................................................
2. Napi pabinayan makakalih papan namané ring ajeng?
...........................................................................................................................................................
3. Napi mawinan sasuratan ipun mabinayan?
...........................................................................................................................................................
4. Terangang sapunapi carané nyurat papan nama sané patut?
...........................................................................................................................................................

Pidabdab 4 Pangresep Indik Nyurat Papan Nama

4.1 Nyuratan Aksara Anceng Ring Papan Nama
Panglimbak sané mamargi mangkin ring
sajeroning aksara Bali ring aab jagat sané mangkin,
ritatkala Pemerintah Provinsi Bali sampun prasida
ngicénin uratian sareng palestarian bahasa lan
aksara Bali. Uratian sané kaicén nénten sawates
Perda, sakémaon ngicénin galah majeng ring
panglaksanannyané ring lapangan, sané pacang
prasida karasayang ring kahuripan. ring sajeroning
nyuratan aksara anceng ri panyuratan papan nama,
sané kapikukuhang antuk Surat édaran No. 01/1995

indik ajakan dan imbauan majeng ring kramané https:/
https://cayapatabintanguny.fi les.wordpress.com/2013/12/1.jpg/cayapatabintanguny.fi les.wordpress.com/2013/12/1.jpg
mangda ngwigunayang aksara Bali ring sajeroning panyuratan papan nama ring instansi
pemerintahan miwah suasta. Asapunika taler indik wastan-wastan hotel, restoran, nama jalan,
bale banjar, pura, objek wisata, lan genah-genah sané tiosan ring sawidangan jagat Bali
Aksara anceng utawi reringkesan kruna , sané mawit saking kruna kacutetang tur kaambil
kecap ipun wantah asiki. Wandané sané pinih ajeng atawa wandané sané pinih pungkur. Parindik
aksara anceng punika, makéhan kapanggihin ring sajeroning lontar- lontar sakadi : 1. Usada
mwah 2. Wariga. Tios ring punika taler kaanggé ring sajeroning nyuratang daging kolofon utawi
patinget indik wusan nedun utawi nyurat lontar. taler ring sajeroning nyuratang wilangan, sané
kacihnayang antuk cecirén apit carik kalih ,,

4.2 Panyuratan Ringkesan utawi singkatan

Ring basa Bali ringkesan naler kawastanin Aksara Anceng, inggih punikaaksara sané kacutetang
kaambil kecap ipun wantah asiki sané ring arep kruna tur kaapit antuk carik. Kawéntenan aksara
anceng punika ring sajeroning kawigunan panyuratannyané , kakepah dados tigang paos , inggih
punika :Reringkesan tradisional, Reringkesan modern, miwah, akronim

Aksara anceng puniki katah kaanggen nyurat ring lontar-lontar, minakadi Wariga, Usada, Pipil, msl.

A. Ringkesan Tradisional
Ringkesan tradisional makéhan kambil saking lontar wariga miwah usada. Aksara sane kacutetang
kambil kecap ipuné wantah asiki

UDIANA SASTRA Aksara Bali 19