Page 29 - Kelas XII.indb

Palajahan 3 Atur Piuning

Pidabdab 1 Ngwangun pangresep

Sasuratan wastan kantor utawi genah adat ring Bali patut nginutin Surat Edaran Gubernur
Bali No.1 warsa 1995 indik Sasuratan Dwiaksara (Latin-Bali) Sapunika taler indik sasuratan
pangumuman minakadi ring objek wisata. Pakéling puniki kaanggé nglimbakang informasi sané
mabuat sajeroning pakraman. Duaning sapunika indayang uratiang indiké puniki :
1. Rikala sapunapi anaké nyobiahang atur piuning?
2. Ring dija ketah anaké ngunggahang atur piuning?
3. Napi kawigunan atur piuning punika ?
4. Sapunapi carané nyurat atur piuning ?

Pidabdab 2. Ngwacén Sasuratan Atur Piuning

Ngiring uratiang tur wacén atur piuning ring sor !

Atur Piuning

Om Swastiastu,
Atur piuning ring ida dane krama sinamian mungguing karya (usaba) ring Pura Dalem Puri
Besakih jaga kamargiang sakadi dudonan ring sor puniki :

1. Patabuhan Usaba saha caru ring rahina Anggara Kliwon Kulantir tanggal 27 Januari 2013,
kalanturang nedunang Ida Bhatara Mayang-mayang ring tapakan palinggih.
2. Puncak karya (Usaba) ring rahina Sukra Pon Kulantir tanggal 30 Januari, wenginé Ida
Batara katuran masineb.
3. Mantuk ring para pamedek galah maturan sampun dados saking Buda Umanis Kulantir
tanggal 28 Januari 2013
4. Menawi wénten Ida Dané ayat pacang mendak nuntun (ngajar-ajar) tunas titiang mangda
nénten ngamargiang ring wuku kulantir sakeng tanggal 25 kantos 31 januari 2013, duaning
galahe kosek pisan
Asapunika atur piuning titiang mangdéné ida dané sané ayat pedek tangkil prasida tatas uning,
tur tan lali titiang ngaturang suksmaning manah.

Om Shantih Shantih Shantih Om

Besakih, 20 Januari 2013

Pangemong Pura Dalem Puri Besakih

Ttd

I Gusti Mangku Ngurah Kubayan

22 Aksara Bali UDIANA SASTRA