Page 3 - Kelas XII.indb
P. 3

PANGAKSAMA
                     Om Swastyastu.

                     Malarapan pasuécan Ida Sang Hyang Widhi Wasa, buku pakét Palajahan Siswa
                  Basa Bali puniki prasida kapuputang. Sasuratan buku puniki matetujon nyiagayang
                  materi ajah sané manut ring aab jagaté taler anut ring wewidangan kakuub palajahan
                  basa miwah sastra Bali. Puniki pacang pinaka dasar kaweruhan miwah kawagedan,
                  kanggén nglimbakang paplajahan ring sekolah-sekolah sane wénten ring Provinsi Bali.

                     Saking buku puniki para guru miwah siswa sané jagi malajah, pacang molihang
                  tuntunan  sané  becik  gumanti  tetujon  mlajahin  basa  miwah  sastra  Baliné  prasida
                  kamolihang. Buku puniki kasusun olih pangremba sané sampun waged ri sajeroning
                  kawéntenan Basa Bali. Titiang pinaka manggalaning Dinas Pendidikan Pemuda dan
                  Olah Raga ngaturang dahat suksma majeng ring angga tim penyusun bukuné puniki.

                     Sinah sampun  daging buku  puniki  kantun  akéh kakiranganipun.  Antuk  punika,
                  banget titiang mapinunas mangda lédang para guru miwah sujana basa Baliné ngicénin
                  paweweh gumanti bénjangan prasida paripurna.




                     Om Santih, Santih, Santih, Om.


                                                                          Dénpasar,  1 Juli  2016
                                                                  Kepala Dinas Pendidikan Pemuda dan
                                                                        Olahraga Provinsi Bali,




                                                                    TIA Kusuma Wardhani, S.H., M.M.
                                                                      (NIP. 195908221984032007)

























                                                             i
   1   2   3   4   5   6   7   8