Page 4 - Kelas XII.indb
P. 4
PANGAKSAMA
Om Swastyastu.
Malarapan pasuécan Ida Sang Hyang Widhi Wasa, buku pakét
Palajahan Bahasa Bali Siswa Kelas XII Sekolah Menengah Atas lan Kejuruan
puniki prasida kapuputang. Sasuratan buku puniki matetujon nyiagayang materi
ajah sané manut ring aab jagaté taler anut ring wewidangan kakuub palajahan
basa lan sastra Bali. Buku puniki pinaka dasar kaweruhan lan
kawagedan, kanggén nglimbakang paplajahan basa lan sastra Bali ring
sekolah menéngah wekasan.
Ring buku puniki, para guru miwah siswa SMA/SMK Kelas XII
sané jagi malajah, pacang ngamolihang tuntunan sané becik gumanti
tetujon mlajahin basa lan sastra Baliné prasida kamolihang. Y adiastun
kantun kirang, buku puniki sampun kasurat madasar teori ilmu basa lan
sastra Bali saha kajangkepin soal-soal pinaka lembar karya siswa
(LKS), saha kajangkepin piteket tuntunan karakter wangsa.
Titiang patut ngangkenin mungguing daging buku puniki kantun
akéh kakiranganipun. Antuk punika, banget titiang mapinunas mangda
lédang para guru lan sang maraga sujana ring widang basa lan sastra Bali,
ngicénin paweweh gumanti bénjangan prasida paripurna.
Om Santih, Santih, Santih, Om.
Dénpasar, 1 Juli 2016
Tim Penyusun
ii
