Page 9 - Kelas XII.indb

Palajahan 1 Dharma Wacana

Pidabdab 1 Ngwangun Pangresep

Panglimbak pangajahan basa Bali ring aab jagaté sekadi mangkin sampun sayan ngamecikang,
sané kasinahang antuk kawéntenan basa Baliné kaanggé ring widang informal sekadi ring
pakraman, sekaa truna-truni, taler punika ring widang pendidikan . Silih sinunggil kawagedan sané
kaplajahin ring widang pendidikan inggih punika kawagedan mabasa Bali, rikalaning madharma
wacana. Mangda alit-alité uning ring indik dharma wacana, ngiring uratiang pitakéné puniki !

1. Napi sujatiné dharma wacanané punika ?
2. Indik napi sané kebaosang ring dharma wacana ?
3. Sira sané ketah micayang dharma wacana ?
4. Napi pikenoh dharma wacana punika ?

Pidabdab 2. Ngwacén Téks Dharma Wacana

Mangda alit-alité prasida ngwikanin indik dharma wacana indayang uratiang tur wacén téks
dharma wacanané ring sor, raris selehin daging miwah tata carané madharma wacana.

SUBAKTI RING CATUR GURU

Inggih Ida dané sinareng sami, utamané majeng ring para panuréksa sané dahat kusumayang
titiang. Sadurung titiang ngawitin matur lugrayang titiang ngaturang pangastungkar “Om Swas-
tyastu”.
Ida dané Sareng sami sané wangiang titiang, sadurung titiang nglaturang matur ngiring
sareng sami nyakupang kara kalih nyinahang rasa angayubagia majeng ring Ida Sang Hyang Widhi
Wasa, duaning wantah sangkaning pasuécan Ida, titiang ping kalih ida dané prasida masadu ajeng
iriki ring galahé sané becik sakadi mangkin. Dumadak sareng sami prasida ngamangguhang kara-
hajengan, labda karya, sidaning don.
Inggih maduluran pangastungkara druéné mo-
gi-mogi Ida Sang Hyang Parama Kawi sih kinasih
Suwécamicayang karahajengan. Sakémaon banget
titiang ngalungsur geng rena sinampura riantuk ka-
nambetan titiang kalintang, prasangga purun nglan-
gkungin linggih Ida danéné jagi matur amatra indik
“Subakti Ring Catur Guru”.
Inggih pamiarsa sinareng sami, sajeroning
maosang indik subakti ring catur guru, mangda
janten i raga prasida nyinahang pangubaktiné ring https://ebayktiii.fi les.wordpress.com/2011/04/berbakti-ke-orang-tua.jpg
linggih sang maraga guru, sapatutné i raga uning sang sapasira kémanten sané kabaos pinaka
guru. Manawita ida dané sampun sauninga ring catur guru punika, patpat sang sané kabaos guru,
sané gumanti patut baktinin. Inggihan punika :
kaping siki, sang maraga guru rupaka, I Biang kalawan I Aji. Akéh karasa piutang i ragané
marep ring linggih danéné, ngawit saking ngembasang saking sajeroning garba ngantos wéntené
sakadi mangkin, wantah sangkaning guru rupaka, sané ngupapira i raga sinareng sami, tan su-
rud-surud kinasih danéné. Sangkaning asapunika wénten kabaos ”Nora ana sih, angluihaken

2 Dharma Wacana UDIANA SASTRA